ក្រុមហ៊ុនធំៗ ១៥ និងគម្រោងខ្នាតយក្ស ៩ នឹងបង្ហាញខ្លួនក្នុងពិព័រណ៍អចលនទ្រព្យដ៏ធំបំផុតប្រចាំឆ្នាំ ២០១៩ នេះ

ភ្នំពេញ: គេហទំព័រ​អចលនទ្រព្យ​នៅ​កម្ពុ​ជាមួយ​ឈ្មោះថា Realestate.com.kh បានប្រកាស​រៀបចំ​កម្ម​វិធី​ការ​តាំង​ពិ​ព័រ​ណ៍​អចលនទ្រព្យ​ដ៏​ធំ​បំផុត​ប្រចាំឆ្នាំ ២០១៩ នៅ​សណ្ឋាគារ​ណាហ្គា​វើ​ល នៅ​រាជធានី​ភ្នំពេញ។ ក្នុងនោះ​នឹងមាន​ក្រុម​ហ៊ុន​អចលនទ្រព្យ​លំដាប់​អន្តរជាតិ​ចំនួន ១៥ រួមទាំង​គម្រោង​ខ្នាត​យក្ស​ចំនួន ៩គម្រោង ត្រូវបាន​ប្រកាសថា ខ្លួន​នឹង​ចូល​រួម​ក្នុង​កម្មវិធី​នេះ។

តាម​គេហទំព័រ Realestate.com.kh បាន​ឲ្យ​ដឹងថា ពិព័រណ៍​អចលនទ្រព្យ​ឆ្នាំ ២០១៩ នេះ នឹងធ្វើ​នៅ​ថ្ងៃទី ៤ និង​ទី ៥ ខែ​តុលា​ខាងមុខនេះ។ គម្រោងធំៗទាំង​បុរី ខុន​ដូ ដី​ឡូ​តិ៍ ក្រុមហ៊ុន​ច្បាប់ ភ្នាក់ងារ​អចលនទ្រព្យ ក្រុមហ៊ុន​ស្ថាបត្យកម្ម និង​​​ការតុបតែង​ផ្ទះ នឹងចូលរួម​តាំង​បង្ហាញ​គម្រោង និង​សេវាកម្ម​ជាច្រើន​របស់​ពួកគេ​នៅថ្ងៃនោះ។

ក្រុមហ៊ុន​ដែល​នឹងចូលរួម​ក្នុង​ពិព័រណ៍​ដ៏​ធំ​នេះ​ដូចជា៖ ក្រុមហ៊ុន Aru-Me Metal, ក្រុមហ៊ុន Baoli Mansion, ក្រុម​ហ៊ុន C-Herald Property Service, ក្រុមហ៊ុន CPZY Development, ក្រុមហ៊ុន Creed (Zelkova), ក្រុមហ៊ុន HuaYe Real Estate Investment Limited, ក្រុមហ៊ុន HYO International, ក្រុមហ៊ុន  Pafillia Property Developers, ក្រុមហ៊ុន Prince Huan Yu Real Estate (Cambodia) Group, ក្រុមហ៊ុន Prince JinJia Real Estate (Cambodia) Group, ក្រុមហ៊ុន Prince Real Estate (Cambodia) Group, ក្រុមហ៊ុន R&F Cambodia, ក្រុមហ៊ុន Yi Fung Real Estate, ក្រុមហ៊ុន​MAA Architecture & Design និង​ក្រុមហ៊ុន Unicom Science Plastic (Cambodia)។

រីឯ​គម្រោងធំៗមានដូចជា៖ គម្រោង Bel Air, គម្រោង KH Land, គម្រោង La Vista One, គម្រោង Morgan EnMaison, គម្រោង Morgan The Pure Bay, គម្រោង Morgan Tower, គម្រោង New Landmark, ម​ជ្ឈ​ម​មណ្ឌល TCC, គម្រោង Toul Kork Lane, គម្រោង Urban Village និង​គម្រោង Victory Bay។

ពិព័រណ៍​ប្រចាំ​ឆ្នាំកន្លងមក មាន​លំនៅដ្ឋាន​រាប់រយ​យូ​នី​ត​ត្រូវបាន​លក់​នៅនឹងកន្លែង​គិត​ជា​ទឹកប្រាក់​ជាង ១០០ លាន​ដុ​ល្លារ ក្នុងនោះ​ទឹកប្រាក់​ជាង ៣០លាន​ដុល្លារ ត្រូវបាន​ប្រតិបត្តិការ​ក្នុង​ព្រឹត្តិការណ៍ភ្លាមៗនៅក្នុង​ពិព័រណ៍​ឆ្នាំ២០១៨។ នេះ​​គឺជា​ព្រឹត្តិការណ៍​អចលនទ្រព្យ​ដ៏​ធំ​បំផុត​ប្រចាំឆ្នាំ ដែល​ត្រូវបាន​ចាត់ទុកថា ជា​វេទិកា​គម្រូ​ក្នុង​ប្រវត្តិសាស្ត្រ​នៃ​ការទិញ​លក់​អចលនទ្រព្យ​នៅក្នុង​ប្រទេស​កម្ពុជា៕