ខួបកំណើតគម្រប់ ៥៥ ឆ្នាំ ជាថ្ងៃបញ្ចប់តំណែងនាយកប្រតិបត្តិក្រុមហ៊ុន Alibaba

បរទេស៖ រយៈពេល​ជាង​ ២ ​ទសវត្ស បន្ទាប់ពីធ្វើការដឹកនាំក្រុមហ៊ុន Alibaba Group Holding Ltd ចាប់តាំង ពីឆ្នាំ ១៩៩៩ កាលពីថ្ងៃអង្គារ ទី១០ ខែកញ្ញា ឆ្នាំ២០១៩ លោក Jack Ma បានសម្រេចលាលែងពីតំណែង​នា​យក​គ្រប់​គ្រងក្រុមហ៊ុន​ហើយ ដើម្បីឆ្លើយតបទៅនឹងអ្វីដែលលោកធ្លាប់បាននិយាយកាលពីប៉ុន្មានឆ្នាំមុន។

លោក Ma ធ្លាប់បានផ្ដល់បទសម្ភាសជាមួយសារព័ត៌មានអន្តរជាតិថា ពេលឈានចូលអាយុ ៥៥ ឆ្នាំ លោក​នឹង​លាលែងពីតំណែង ដើម្បីចូលនិចូលនិវត្តន៍ទៅរស់នៅក្នុងជីវិតមួយ ដើម្បី​សោយ​សុខ​នឹ​ង​អ្វី​ដែល​លោក​អ្នក​ខំរកកន្លងមក។ អតីត​គ្រូបង្រៀន​ភាសា​អង់គ្លេស​ម្នាក់នេះ ​បាន​ចុះ​ចេញពី​តំណែងភ្លាមៗ ក្នុង​ខួប ៥៥ ឆ្នាំ​ និង​បន្ទាប់ពី​បាន​ប្រមូល​ទ្រព្យសម្បត្តិ​បាន ៤១,៨ ពាន់​លាន​ដុល្លារ ហើយបាន​ផ្ទេរតំណែង​ទៅឲ្យ​លោក Daniel Zhang ដែលជា​អ្នកជំនាញ​ខាង​ហិរញ្ញវត្ថុ ហើយ​គេ​អាច​ចាត់ទុកថា​ជា​ព្រឹត្តិការណ៍​ផ្លាស់ប្តូរ​ដ៏​ធំ​មួយ​នៅក្នុង​ក្រុមហ៊ុន​ដែល​ធំ​បំផុត​របស់​ទ្វីបអាស៊ី។

រយៈពេល ២០ ឆ្នាំមកនេះ លោក​ Ma និង​ក្រុម​សហ​ស្ថាបនិក​របស់លោក​បា​នប​ង្កើ​តទី​ផ្សារ​ពាណិជ្ជកម្ម​មួយ​ឲ្យមាន​តម្លៃ​សរុប ៤៦០ ពាន់​លាន​ដុល្លារ និង​គ្រប់គ្រង​លើ​ពាណិជ្ជកម្ម​កុំព្យូទ័រ​ធំ​បំផុត​មួយ​របស់​ពិភពលោក ព្រមទាំង​គ្រប់គ្រង​បណ្តាញ​ដឹកទំនិញ​ដែល​ជ​ញ្ចូ​ន​កញ្ចប់​ទំនិញ​រាប់លាន​កញ្ចប់​រាល់ថ្ងៃ។ ក្នុង​ឆ្នាំ ២០១៦ លោក ​Ma បាន​ក្លាយជា​កំពូល​អ្នកមាន​របស់​ទ្វីបអាស៊ី​ ប៉ុន្តែ​ពេលនេះ​តំណែង​ជា​កំពូល​អ្នក​មាននៅ​ទ្វីបអាស៊ី​នេះ​ស្ថិត​នៅ​លើ​​ដៃ​របស់លោក​ប្រធាន ​​Ambati នៃ​ក្រុមហ៊ុន​ Reliance Industries Ltd. ដែលមាន​ទ្រព្យ ៤៧,៤ពាន់​លាន​ដុល្លារ។

សព្វថ្ងៃ​លោក​ Ma មាន​ចំណែក​ហ៊ុន ៥,៣% ដែលមាន​តម្លៃ​ស្មើនឹង ២៤,៦ ពាន់​លាន​ដុល្លារ​នៃ​ភាគហ៊ុន​សរុប​របស់​ក្រុមហ៊ុន ​Alibaba។ តាំងពី​កាន់តំណែង​ជា​ប្រធាន​ប្រតិបត្តិ​ក្នុង​ឆ្នាំ ២០១៣ មក ប្រាក់ចំណូល​របស់​ក្រុមហ៊ុន ​Alibaba បាន​កើនឡើង​យ៉ាងខ្ពស់​ប្រហែល ១១០០%៕