សម្តេច​ ​ហ៊ុន​ ​សែន​៖​ ​កំណើនសេដ្ឋកិច្ចកម្ពុជានៅឆ្នាំ២០២១នេះ នឹងមានកំណើនជិត៣ភាគរយ​

សម្តេច​នាយករដ្ឋមន្ត្រី​ ​ហ៊ុន​ ​សែន​ ​បាន​អះអាង​ថា​ ​កំណើន​សេដ្ឋកិច្ច​កម្ពុជា​បាន​បន្ត​ងើបឡើង​ជា​ដំណាក់កាល​ៗ​ ​ក្រោយ​រាជរដ្ឋាភិបាល​អាច​គ្រប់គ្រង​កូ​វី​ដ​បាន​ល្អ​ ​ដោយ​វិ​ស័​យ​កសិកម្ម​ ​និង​ឧស្សាហកម្ម​ ​នៅ​កម្ពុជា​មិន​មានការ​ធ្លាក់ចុះ​នោះ​ទេ​។​ការ​ថ្លែង​របស់​សម្តេច​ ​ហ៊ុន​ ​សែន​ ​ធ្វើឡើង​ក្នុង​នៅ​ក្នុង​ពិធីសម្ពោធ​សណ្ឋាគារ​ឯកជន​លំដាប់​ផ្កាយ​៥​មួយ​ ​នៅ​ទី​ក្រុងភ្នំពេញ​ ​កាល​ថ្ងៃ​ទី​១​៥​ ​ខែ​ធ្នូ​ ​ឆ្នាំ​២​០​២​១​នេះ​។​

នាឪកាសនោះ ​សម្ដេច​នាយករដ្ឋមន្ត្រី​ ​ហ៊ុន​ ​សែន​ ​នៅតែ​រក្សា​ការ​ព្យាករណ៍​ថា​ ​កំណើន​សេដ្ឋកិច្ច​កម្ពុជា​នៅ​ឆ្នាំ​២​០​២​១​នេះ​ ​នឹង​មាន​កំណើន​ជិត​៣​ភាគរយ​ ​ខណៈ​ចំណូល​ជាតិ​កើន​ឡើង​ ​ទោះបីជា​មិនទាន់​ងើប​ស្មើ​មុន​កូ​វី​ដ​ក៏ដោយ​ ​ពេលនេះ​កម្ពុជា​បាន​ទទួល​៥​០​០​ ​ទៅ​៧​០​០​ ​លាន​ដុល្លារ​ក្នុង​មួយ​ខែ​ ​ពេល​កូ​វី​ដ​ផ្ទុះ​ខ្លាំង​គឺ​ធ្លាក់ចុះ​ក្រោម​៤​០​០​លាន​ដុល្លារ​។​

បើ​តាម​លោក​ ​ផាន់​ ​ផល្លា​ ​រដ្ឋលេខាធិការ​ក្រសួងសេដ្ឋកិច្ច​ ​និង​ហិរញ្ញវត្ថុ​ ​កំណើន​សេដ្ឋកិច្ច​កម្ពុជា​នៅ​ឆ្នាំ​២​០​២​១​នេះ​ ​មាន​លក្ខណៈ​ល្អ​ប្រសើរ​ជាង​ការ​រំពឹង​ទុក​ ​ខណៈ​រដ្ឋាភិបាល​បាន​ព្យាករ​កន្លងទៅ​ក្នុង​ក​ម្រិ​ត​ ​២​,​៤​ភាគរយ​ ​ហើយ​កំណើន​សេដ្ឋកិច្ច​កម្ពុជា​នឹង​វិល​ទៅ​រក​៧​ភាគរយ​ ​ដូចដើម​វិញ​នៅ​ឆ្នាំ​២​០​២​៤​។​

លោក​បន្ត​ថា​ ​សេដ្ឋកិច្ច​កម្ពុជា​ដែល​មាន​កំណើន​ល្អ​ប្រសើរ​ចាប់ពី​ពេលនេះ​ទៅ​ ​គឺ​ដោយ​សំអាង​ទៅលើ​កត្តា​មួយ​ចំនួន​ ​ដូចជា​កត្តា​ទី​ផ្សារ​ក្រៅ​ប្រទេស​ ​ការនាំចេញ​ទៅកាន់​ទី​ផ្សារ​អាមេរិក​និង​អឺរ៉ុប​ ​ដែល​ជាទី​ផ្សារ​ធំ​របស់​កម្ពុជា​ពុំ​មាន​ថយ​ចុះ​។​ ​ក្រៅពី​នេះ​ ​ក៏មាន​កត្តា​សំខាន់​ៗ​ផ្សេងៗ​ទៀត​ដែរ​ ​ដូចជា​កត្តា​កំណែ​ទម្រង់​ហិរញ្ញវត្ថុ​សាធារណៈ​ ​រួមផ្សំ​ជាមួយ​វិធានការ​នានា​ ​ដែល​រដ្ឋាភិបាល​ដាក់​ចេញ​កន្លងមក​។​

សូម​រំលឹក​ថា​ ​កាលពី​ស​ប្តាហ៍​មុន​ ​ធនាគារ​ពិភពលោក​ (​World Bank​) ​បាន​ព្យាករ​សេដ្ឋកិច្ច​កម្ពុជា​ឆ្នាំ​២​០​២​១​ ​ថា​មាន​កំណើន​ ​២​,​២​ភាគរយ​ ​ហើយ​រំពឹង​ថា​នឹង​កើន​ដល់​ ​៤​,​៥​ភាគរយ​ ​នៅ​ឆ្នាំ​២​០​២​២​៕​