ភ្នំពេញ: ក្រុមហ៊ុនចិនល្បីឈ្មោះ TAP ON បានសម្រេចបោះទុនវិនិយោគបង្កើត APP មួយ ដោយដាក់ឈ្មោះថា «TAP ON» ដើម្បីបើកដំណើរការដាក់តាមតាក់ស៊ី និងម៉ូតូកង់បីនៅប្រទេសកម្ពុជា ខណៈមើលឃើញពីទីផ្សារកម្ពុជាមានភាពងាយស្រួលក្នុងប្រកបរកស៊ី។
លោក អ៊ូកែវ ថាវខូម ប្រធានក្រុមហ៊ុន TAP ON បានលើកឡើងក្នុងសន្និសីទសារព័ត៌មាននៅថ្ងៃទី០៩ ខែមេសានេះថា ក្រុមហ៊ុនលោកបានសម្រេចចិត្តបង្កើត APP ឈ្មោះ TAP ON នេះនៅកម្ពុជាដោយ សារមើលឃើញថាទីផ្សារមានភាពងាយស្រួល ហើយស្របពេលច្ចេកវិទ្យាជឿនលឿន។
លោកបន្តថា TAP ON ចាប់ផ្ដើមដំណើរនៅកម្ពុជាពីពេលនេះតទៅ ដែលនឹងផ្តល់អត្ថប្រយោជន៍ជាច្រើនដល់អតិតជន និងអ្នកបើកបរតាក់ស៊ី និងម៉ូតូកង់បីផងដែរ។
លោក អង មង្គល រដ្ឋលេខាធិការក្រសួងមហាផ្ទៃបានមានប្រសាសន៍ថា ការបើកអាជីវកម្មរបស់ក្រុមហ៊ុនតាមប្រព័ន្ធបច្ចេកវិទ្យានេះក៏ជាការសម្រួល និងបម្រើដល់បងប្អូនដែលប្រកបអាជីវកម្មរត់តាក់ស៊ី និងម៉ូតូកង់បីអាចភ្ជាប់ទំនាក់ទំនងបានយ៉ាងឆាប់រហ័ស ជាមួយអតិថិចជន ដែលមានតម្រូវការប្រើប្រាស់មធ្យោយោបាយទៅណាមកណាបានយ៉ាងងាយស្រួល។
លោកបន្ដថា ការរីកដុះដាលនៃសេវាដឹកអ្នកដំណើរតាមតាក់ស៊ី និងម៉ូតូកង់បីដោយប្រើប្រាស់ APP កំពុងពេញនិយមសម្រាប់មនុស្សនាសម័យទំនើប ដោយគ្រាន់តែបញ្ចូលកម្មវិធីមួយនេះទៅក្នុងទូរស័ព្ទដៃឆ្លាតវ័យរបស់ពួកគាត់ នឹងទទួលបានសេវាដឹកអ្នកដំណើររហ័សទាន់ចិត្តនៅពេលដែលចុចបញ្ជា ឬហៅការប្រើប្រាស់ភ្លាម។
បច្ចុប្បន្ននេះ មានក្រុមហ៊ុនជាច្រើនដែលកំពុងបើកប្រតិបត្តិការលើសេវាកម្មហៅតាក់ស៊ី និងម៉ូតូកង់បីដោយប្រើប្រាស់ APP ក្នុងនោះ PassApp, We go, Grab និង App ផ្សេងៗទៀត៕
