កោះកុង: ក្រុមហ៊ុន ZhengHeng (Cambodia) Co., Ltd ជាម្ចាស់គម្រោងរមណីយដ្ឋានលំហែកាយ Long Bay Dara Sakor នៅកោះកុង បានយល់ព្រមឲ្យក្រុមហ៊ុន TRF VACATION CLUB ដាក់បញ្ចូលគម្រោងសណ្ឋាគារលំដាប់ពិភពលោកយីហោ WYNDHAM ចូលក្នុងគម្រោង Long Bay Dara Sakor ដែរ ដើម្បីបើកទំព័រថ្មីនៃកិច្ចសហប្រតិបត្តិការឈ្នះៗរវាងភាគីទាំងសងខាង។
កាលពីថ្ងៃទី០១ ខែឧសភានេះ ភាគីតំណាងក្រុមហ៊ុនទាំងពីរបានធ្វើពិធីចុះហត្ថលេខាអនុស្សរណៈយោគយល់គ្នាមួយ នៅស្នាក់ការកណ្តាលក្រុមហ៊ុន ZhengHeng នៅក្នុងទីក្រុង New Jersey នៃប្រទេសសហរដ្ឋអាមេរិក ដើម្បីផ្តល់ជូនបទពិសោធន៍បដិសណ្ឋារកិច្ចលំដាប់ថ្នាក់ពិភពលោកនៅ Long Bay Dara Sakor។
លោក Deng Pi Bing ប្រធានក្រុមហ៊ុន ZHENG HENG (Cambodia) Co. , Ltd បានថ្លែងថា រមណីយដ្ឋាន និងសណ្ឋាគារ WYNDHAM នឹងផ្តល់ជូនបទពិសោធន៍បដិសណ្ឋារកិច្ចលំដាប់ថ្នាក់ពិភពលោកនៅ Long Bay Dara Sakor ដើម្បីទាក់ទាញអ្នកវិនិយោគ ពាណិជ្ជករ អ្នកស្រុក និងមនុស្សចាស់ ដែលស្វែងរកបរិយាកាសល្អសម្រាប់ការរស់នៅជាន់ខ្ពស់។
លោកបន្តថា បន្ថែមពីលើការផ្តល់ជូនភាពរីករាយនៃការរស់នៅបែបល្អប្រណិតខុសប្លែកពីគេ រមណីយដ្ឋាន និងសណ្ឋាគារ WYNDHAM នឹងបង្កើតបទពិសោធន៍ដ៏មានតម្លៃអស្ចារ្យនៃការស្នាក់នៅ ម្ហូបអាហារ សិល្បៈ ជីវិត និងអាជីវកម្ម ដែលនឹងនាំទៅរកការលើកកម្ពស់ នៃការសរសើរ និងកេរ្តិ៍ឈ្មោះសម្រាប់គម្រោង។
លោកបញ្ជាក់ថា៖«គម្រោងរមណីយដ្ឋានវប្បធម៌ និងទេសចរណ៍រមណីយដ្ឋានវប្បធម៌ Long Bay Dara Sakorគឺជាគំរូអភិវឌ្ឍន៍ថ្មីមួយ នៃវិស័យទេសចរណ៍ និងរមណីយដ្ឋានវប្បធម៌ ដែលជំរុញអាជីវកម្មទេសចរណ៍ ដោយក្រុមហ៊ុន ZhengHeng (Cambodia) Co. , Ltdនៅអាស៊ីអាគ្នេយ៍»។
ចំណែក លោក Cai Sheng Jia ប្រធានគ្រប់គ្រងទូទៅក្រុមហ៊ុន TRF VACATION CLUB បានថ្លែងផងដែរថា គម្រោងនេះ មានទីតាំងស្ថិតនៅកណ្តាលនៃរមណីយដ្ឋានទេសចរណ៍តារាសាគរដែលមានផ្ទៃដីសរុប ២០០ហិកតា ព័ទ្ធជុំវិញដោយភ្នំសមុទ្រ និងមានឆ្នេរសមុទ្រ ដែលមានគុណភាពខ្ពស់ មានប្រវែង ១.៩គីឡូម៉ែត្រ។
លោកបន្តថា វានឹងក្លាយទៅជាតំបន់វប្បធម៌ទេសចរណ៍ និងរមណីយដ្ឋានលំដាប់ពិភពលោកដែលមានមុខងារសំខាន់ៗ ចំនួន៨ រួមមានឧទ្យានឧស្សាហកម្មឆ្លាតវ ផ្លូវជំនួញ តំបន់ទេសចរណ៍វប្បធម រមណីយដ្ឋានទេសភាពសមុទ្រ រមណីយដ្ឋានវីឡា រមណីយដ្ឋានកំពង់ផែឆ្នេរសមុទ្រ រមណីយដ្ឋានតំបន់ឆ្នេរកម្សាន្ត និងរមណីយដ្ឋានមុជទឹកជីងហៃ។
លោកបញ្ជាក់ថា ការអភិវឌ្ឍន៍ឧទ្យានវៃឆ្លាតទំហំ ៥៥ហិកតា ជំហានទី១ ត្រូវបានបែងចែកជា ៧ដំណាក់កាលហើយនឹងចំណាយពេល៣ឆ្នាំ ដើម្បីបង្កើតសហគមន៍ដែលមានភាពចាស់ទុំខ្ពស់សម្រាប់កន្លែងស្នាក់នៅរបស់មនុស្សចំនួន ៥០.០០០នាក់ និងអាចស្រូបយកឧស្សាហកម្មទេសចរណ៍ចំនួន ៨០.០០០នាក់ ក្នុងរយៈពេលប្រាំឆ្នាំខាងមុខនេះ សម្រាប់ការអភិវឌ្ឍឧស្សាហកម្មទេសចរណ៍។
ក្រុមហ៊ុន ZhengHeng (Cambodia) Co., Ltd នៅតែរក្សានាំមកនូវសេចក្តីស្វាហាប់ជានិច្ច តាមរយៈកិច្ចសហប្រតិបត្តិការយ៉ាងសកម្ម ជាមួយបណ្តាសហគ្រាសដទៃទៀត។ អំណាចនៃការរួមបញ្ចូលគ្នាជាមួយ TRF VACATION CLUB នឹងជួយអភិវឌ្ឍន៍គម្រោងរមណីយដ្ឋានទេសចរណ៍វប្បធម៌ ឲ្យទៅមុខ និងបង្កើតនូវបទពិសោធថ្មីក្នុងការសម្រាកលំហែកាយ របស់គម្រោងបុគ្គលិក និងភ្ញៀវទេសចរបែបស៊ីវិល័យជាន់ខ្ពស់ ដ៏អស្ចារ្យ នៅតាមតំបន់ឆ្នេរសមុទ្រ មិនពុំធ្លាប់មានពីមុនមក តាមរយៈការបង្កើនគុណភាពជីវិត។
តំបន់រមណីយដ្ឋានវប្បធម៌ Long Bay Dara Sakor នឹងក្លាយទៅជាគម្រោងឆ្នើមមួយជាមួយនឹងចក្ខុវិស័យអន្តរជាតិ ដែលនឹងទាក់ទាញការយកចិត្តទុកដាក់ ពីវិនិយោគិនជាសកលលោក អំពីវិស័យទេសចរណ៍ និងឧស្សាហកម្មទេសចរណ៍ តាមរយៈអំណាចនៃការរួមបញ្ចូលគ្នា ដ៏មានឥទ្ធិពលរបស់ក្រុមហ៊ុន ZhengHeng (Cambodia) Co. , Ltd និង TRF VACATION CLUB៕
