អន្តរក្រសួងយល់ព្រមឲ្យក្រុមហ៊ុនចិនមួយបង្កើតរោងចក្រកែច្នៃសារាយសមុទ្រនៅខេត្តព្រះសីហនុ

ភ្នំពេញ៖ មន្រ្តីជំនាញអន្តរក្រសួងយកព្រមឲ្យ​ក្រុមហ៊ុន បៅស៊ីងឡុង អ៊ិនធើណេសិនណល អ៊ីមផត អេន អ៊ិចផត បង្កើតរោងចក្រកែច្នៃសារាយសមុទ្រលើទំហំផ្ទៃដី ១៥៤.៤០២ម៉ែត្រក្រឡា ដែលមានទីតាំងស្ថិតក្នុង​ភូមិព្រែក​ប្រ​ស់ ឃុំទឹកថ្លា ស្រុកព្រៃនប់ ខេត្តព្រះសីហនុ បន្ទាប់ពីក្រុមហ៊ុនទីប្រឹក្សា អេស ប៊ី ខេ ខូ អិល ធី ឌី​​ បានសិក្សា និង​វាយ​តម្លៃរួចរា​ល់។

ការបង្ហាញនេះ នៅទីស្តីការក្រសួងបរិស្ថាន នៅថ្ងៃទី២៤ ខែកក្កដានេះ តាមរយៈលោក ស្រ៊ុន ដារិទ្ឋិ រដ្ឋលេខា​ធិ​កា​រ​​នៃក្រសួងបរិស្ថាន បានដឹកនាំអង្គប្រជុំអន្តរក្រសួងស្តីពី ការពិនិត្យ និងផ្តល់យោបល់លើរបាយ​ការណ៍វាយតម្លៃ​ហេតុ​ប៉ះពាល់បរិស្ថាន និងសង្គមដំបូង លើគម្រោងបង្កើតរោងចក្រកែ​ច្នៃ​សារាយ​សមុទ្រ​របស់​ក្រុម​ហ៊ុនបៅ​ស៊ីង​ឡុ​ង អ៊ិនធើណេសិនណល អ៊ីមផត អេន អ៊ិចផត នៅភូមិព្រែកប្រស់ ឃុំទឹកថ្លា ស្រុកព្រៃនប់ ខេត្តព្រះសីហនុ។
កិច្ចប្រជុំនេះ មានការចូលរួមតំណាងអគ្គនាយកដ្ឋានពាក់ព័ន្ធនៃក្រសួងបរិស្ថាន តំណាងក្រសួងរៀបចំដែនដី នគ​រូបនីយ​កម្ម និងសំណង់ ក្រសួងសេដ្ឋកិច្ច និងហិរញ្ញវត្ថុ ក្រសួងកសិកម្ម រុក្ខាប្រមាញ់ និងនេសាទ ក្រសួងធន​ធាន​ទឹក និងឧតុនិយម ក្រសួងសាធារណការ និងដឹកជញ្ជូន ក្រសួងការងារ និងបណ្តុះបណ្តាលវិជ្ជាជីវៈ ក្រុមប្រឹក្សា​អភិ​វឌ្ឍ​ន៍កម្ពុជា (គ.វ.ក) រដ្ឋបាលខេត្តព្រះសីហនុ មន្ទីរបរិស្ថានខេត្តព្រះសីហនុ នាយកដ្ឋានវាយតម្លៃ​ហេតុប៉ះពាល់​បរិ​ស្ថាន​នៃ​ក្រសួងបរិស្ថាន តំណាងក្រុមហ៊ុនវិនិយោគ និងក្រុមហ៊ុនទីប្រឹក្សា។

ក្នុងអង្គប្រជុំ​ទទួលបានលទ្ធផលដូចជា៖ អង្គប្រជុំមានការគាំទ្រសម្រាប់គម្រោងវិនិយោគនេះ ហើយ​ក្រុមហ៊ុនត្រូវ​កែ​​សម្រួលនូវចំណុចខ្វះខាតនៅក្នុងរបាយការណ៍តាមការផ្តល់យោបល់របស់អង្គប្រជុំ និងនាយកដ្ឋាន EIA រួច​ដា​ក់​មកក្រសួងពិនិត្យ និងក្រុមហ៊ុនត្រូវរៀបចំផែនការគ្រប់គ្រងសំណល់រឹង-រាវឱ្យបានត្រឹមត្រូវ ចៀសវៀងការ​បង្ហូរ​សំ​ណ​ល់រាវចូលទៅក្នុងប្រភពទឹកសាធារណៈ។

លទ្ធផលនោះបន្តថា ក្រុមហ៊ុនត្រូវរៀបចំផែនការការពារសុវត្ថិភាព និងសុខុមាលភាពបុគ្គលិកកម្មករជាប្រចាំ និង​ត្រូវ​ពន្យល់ណែនាំបុគ្គលិក-កម្មករឱ្យយល់ដឹងអំពីវិធានការការពារគ្រោះថ្នាក់ការងារ និងផ្តល់ឧបករណ៍​សម្ភារៈការ​ពាររៀងរាល់ពេលបំពេញការងារ ក្រុមហ៊ុនត្រូវចូលរួមចំណែកក្នុងការដាំដើមឈើ ក្រុមហ៊ុនត្រូវយកចិត្តទុកដាក់ និង​​ចូលរួមក្នុងយុទ្ធនាករណ៍កាត់បន្ថយការប្រើប្រាស់ថង់ប្លាស្ទិក និងសហការល្អជាមួយអាជ្ញាធរមូលដ្ឋាន និង​ចូ​ល​រួមអភិវឌ្ឍន៍សហគមន៍។

ចំណែកតំណាងក្រុមហ៊ុន បៅស៊ីងឡុង អ៊ិនធើណេសិនណល អ៊ីមផត អេន អ៊ិចផត បានលើកឡើងថា លោក​នឹង​គោរពតាមស្មារតីនៃអង្គប្រជុំនេះ ដោយក្រុមហ៊ុនត្រូវចូលរួមចំណែកក្នុងការដាំដើមឈើ ក្រុមហ៊ុនត្រូវយក​ចិត្តទុក​ដាក់ និង​​ចូលរួមក្នុងយុទ្ធនាករណ៍កាត់បន្ថយការប្រើប្រាស់ថង់ប្លាស្ទិក និងសហការល្អជាមួយអាជ្ញាធរមូលដ្ឋាន និង​ចូ​ល​រួមអភិវឌ្ឍន៍សហគមន៍ផងដែរ៕