រិះគន់​ដើម្បី​ស្ថាបនា!!! ​ ​ផេកហ្វេសប៊ុក​ «កំណាព្យ & ជីវិត» រិះគន់ Peypey Dy ចំពោះ​វីដេអូ​និយាយ​ពាក្យអសុរោះ​ ​ជះឥទ្ធិពល​យ៉ាង​ខ្លាំង​ដល់​សង្គម (មាន​វីដេអូ)

មហាជន​លើ​បណ្តាញ​សង្គម​ហ្វេសប៊ុក​ជា​ច្រើន​ច្បាស់​ជា​ស្គាល់ PeyPey Dy ជា​ពិសេស​មិត្ដ​ៗ​យុវវ័យ ប្រាកដ​ជា​បាន​ស្គាល់​រួច​មក​ហើយ នៅ​បុរស​ម្នាក់ ដែល​ពោលពេញ​ទៅ​ដោយ​វោហារ​ស័ព្ទ ​បូករួម​ជាមួយ​ភាព​ប៉ិន​ប្រសប់​ក្នុង​ការ​សម្ដែង រហូត​ទទួល​បាន​ការ​ចាប់អារម្មណ៏ និង​ប្រជាប្រិយភាព​យ៉ាង​ខ្លាំង អស់​រយៈពេល​ជា​ច្រើន​ឆ្នាំ​មកនេះ នោះ​គឺ​លោក សែម លន់ឌី ហៅ PeyPey Dy។

កាលពីថ្ងៃទី៣០ ខែកក្កដា ឆ្នាំ២០១៩ យោង​តាមរយៈ​គេហទំព័រ ហ្វេសប៊ុកផេក​មួយ មានឈ្មោះ កំណាព្យ & ជីវិត បាន​បង្ហោះសារ​មួយ ដោយ​និយាយ​រៀបរាប់​ចំពោះ ការ​ប្រើប្រាស់​ពាក្យ​សម្ដី​មិន​សមរម្យ​របស់​លោក PeyPey Dy ក្នុង​អំឡុង​ពេល​រូប​លោក​Liveវីដេអូ លក់​ផលិតផល ដោយ​ពេល​នោះ​រូប​លោក បាន​ប្រើប្រាស់​ពាក្យ​សម្ដី​មិន​សមរម្យ​ជា​ច្រើន បើ​ទោះ​ទាំងនេះជាពាក្យ​លេងសើច​ក៏​ដោយ តែ​វាអាច​ប៉ះពាល់​ទៅ​ដល់​ក្មេងៗ និង​ជាគំរូ​ដ៏​អាក្រក់​មួយ​នៅ​ក្នុងសង្គមផងដែរ។ ក្នុង​នោះ​ដែរ ម្ចាស់​ផេក ​កំណាព្យ & ជីវិត បាន​លើក​ឡើង​យ៉ាង​ដូច្នេះថា៖”បងប្អូន​ប្រហែល​ជា​គិតថា វាត្រឹមតែជាការ​លេងសើច​សប្បាយ​ទាក់ទាញ​មាន​អ្នក​មើលច្រើន ប៉ុន្តែ​វីដេអូ​បែបនេះ វា​បាន​ជះ​ឥទ្ធិពល​យ៉ាងខ្លាំង ចំពោះ​សង្គម​។

ក្មេងៗ និង​យុវវ័យ​ជាច្រើនបាន​ទស្សនា​នូវ​វិឌីអូ​នេះ ហើយ​វា​បានដក​ជាប់​ផ្នត់​គំនិត​របស់​ពួកគាត់។ ក្នុង​នាម​ខ្ញុំជាខ្មែរដូចគ្នា ខ្ញុំ​សូម​សំណូម​ពរ​ដល់​បង​ប្អូនខ្មែរ ទាំងអស់គ្នា បើ​អាចសូមកុំធ្វើជាគំរូអាក្រក់សម្រាប់សង្គម ដែលខ្លួនកំពុងរស់នៅអី​ថ្ងៃ​នេះ ប្រហែល​ជាមិនអី ប៉ុន្តែ​ថ្ងៃក្រោយ​មិន​ប្រាកដ​ទេ។

“ប្រទេស​មួយដែលអាច​រីក​ចម្រើនទៅបាន គឺជា​ប្រទេសមាន​ប្រជាជន​មានចំណេះដឹង ហើយ​ប្រើ​ចំណេះត្រូវតាមទំនង និង​ជា​ប្រជាជនផ្ដល់នូវ​ភាព​ជា​គំរូ​ដល់អ្នកជំនាន់​ក្រោយសម្រាប់កសាងសង្គម​មួយដ៏ល្អ។” ដោយ​ក្ដីគោរពស្រឡាញ់ពីខ្ញុំ “ជន​រួមជាតិ” ចំពោះបងប្អូនវិញយល់យ៉ាងណា? សូម​បញ្ចេញមតិ​នៅ​ខាងក្រោម​ដែល​ប្រកប​ដោយ​ក្រម​សីលធម៌ សូមអរគុណ។ តើ​អ្នកហ៊ានចែករំលែក share ដើម្បី​លុប​បំបាត់​រឿង​នេះទេ ថ្វីថាមិនបានធំដុំ ប៉ុន្តែវាបញ្ចាក់ថាមានមនុស្សជាច្រើនដែលមិនគាំទ្រ​ទង្វើ​ដែល​ពួក​គាត់កំពុងធ្វើ”។
សូម​បញ្ជាក់​ថា ម្ចាស់​បទ​ អារម្មណ៍​ត្រូវការអូន លោក Noly Time ក៏​បាន​ចែករំលែក​ព័ត៌មាន​នេះ​លើ​បណ្តាញ​គណនី​របស់​ខ្លួន​ផង​ដែរ​ ដើម្បី​ជា​ព័ត៌មាន​សម្រាប់​ហ្វេន​របស់​គាត់។
យើង​ខ្ញុំ​ជា​ជា​ម្ចាស់​ផេក Theplusnews ក៏​សូម​គាំទ្រ​ឲ្យ​អោយ​តារា​ហ្វេស​ប៊ុក​ PeyPey Dy កែ​សម្រួល​ពាក្យ​មួយ​ចំនួន​ដែល​ប៉ះពាល់​ដល់​សង្គម​របស់​យើង​ទាំងអស់​គ្នា​។
សូម​ទស្សនា​វីដេអូ​ខាងក្រោម​។

ប្រភព៖ ហ្វេសប៊ុក