អ្នកបើកបរកង់ម្នាក់កំពុងធ្វើឲ្យអ្នកប្រើបណ្ដាញសង្គម Facebook មានការភ្ញាក់ផ្អើលនឹងទង្វើរបស់គាត់កាលពីពេលថ្មីៗនេះ ដោយមានអ្នក Share ជិត 5K និង Like ក្បែ 7 K គិតត្រឹមរយៈ 6 ម៉ោងក្រោយ ម្ចាស់គណនី Chhay Black II បាន
បង្ហោះសារបង្ហាញភាពក្ដុកក្ដួល រំភើបនឹងទឹកចិត្តរបស់អ្នកបើកបរក្រោយរូបគេភ្លេចទូរស័ព្ទលើកង់។
តាមរយៈសារនោះម្ចាស់គណនីខាងលើបានសរសេររៀបរាប់ថា៖ រូបគេបានជិះកង់បី PassApp ទៅផ្សារធំថ្មីបានបាត់(ភ្លេច)ទូរស័ព្ទ iPhone X លើកង់បី ក្រោយដឹងថារូបគេភ្លេចទូរស័ព្ទអ្នកបើកបរក៏បានជិះយកទូរស័ព្ទមកឲ្យគេវិញ។ ដោយជាការដឹងគុណ រូបគេក៏បានជូនប្រាក់លើកទឹកចិត្ត 50 ដុល្លារ ដើម្បីដឹងគុណ ដែលគាត់ចិត្តល្អ។
ជាមួយគ្នាមានអ្នកចូល Comment ជាច្រើនបានលើកសរសើរដល់អ្នកបើកបរដែលចិត្តល្អ ហើយអ្នកខ្លះក៏បានបានលើកឡើងថា រូបគេក៏ធ្លាប់ជួបរឿងស្រដៀងគ្នា ហើយអ្នកបើកបរកង់បី ក៏តេរក ហើយជូនរបស់ដែលភ្លេចវិញ៕
