នីសា ជាប់ឈ្មោះជារាជិនីសម្រស់ ទោះអាយុខិតចូល 40 ឆ្នាំ ក៏ដោយ

ភ្នំពេញ៖ ​រយៈ​ពេល​ជាង 16 ឆ្នាំ​មក​ហើយ ដែល​តារា​ចម្រៀង​រាង​តូច​ច្រឡឹង​ អ្នកនាង សុគន្ធ នីសា បាន​ឈាន​ជើង​ចូល​មក​កាន់​ពិភព​សិល្បៈ​។ សំនៀង​ដ៏​ក្រអួន​ក្រអៅ​ និង​អាច​បក​ស្រាយ​បាន​ស្ទើរ​គ្រប់​ទម្រង់​ មិន​ថា​បទ​សម័យ​ ​កម្សត់​ ញាក់​កន្ត្រាក់​អារម្មណ៍​ បទ​ចម្រៀង​មរតក​ដើម​ ព្រម​នឹង​បែប​យីកេ​ និង​មហោរី​ ធ្វើ​ឲ្យ​កេរ្តិ៍​ឈ្មោះ​របស់​អ្នក​នាង​កាន់​តែ​ល្បីល្បាញ​។

បើ​និយាយ​អំពី​រូប​សម្រស់​ អ្នកនាង​សុគន្ធ នីសា គឺ​កាន់តែ​ស្រស់​ស្អាត​ពី​មួយ​ថ្ងៃ​ទៅ​មួយ​ថ្ងៃ​ ទោះ​បី​ជា​បច្ចុប្បន្ន​នាង​មាន​អាយុ​ចូល​ជិត 40 ឆ្នាំ និង​មាន​គ្រួសារ​ហើយ​ក៏​ដោយ ប៉ុន្តែ​អ្នក​នាង​នៅ​តែ​ស្រស់​ស្អាត​ ហើយ​ការ​រៀប​ចំ​តុបតែង​ស្លៀកពាក់​បាន​សមសួន​ មិន​ដែរ​ឆ្គាំឆ្គង​មួយ​គ្រា​ណា​ឡើយ​។ សម្រស់​ដ៏​ស្រស់​ស្អាត​នេះ​ ​បាន​ទាក់​ចិត្ត​អ្នក​គាំទ្រ​ និង​មហាជន​ ហើយ​ត្រូវ​បាន​គេ​ដាក់​រហស្សនាម​ថា “​រាជិនី​សម្រស់​”។

​ក្រៅ​ពី​អាជីវ​ជា​អ្នក​ចម្រៀង ​នីសា ​ក៏​មាន​ភាព​ប៉ិនប្រសព្វ​ទៅ​នឹង​ការ​សម្ដែង​ចម្រៀង​កាយវិការ​ ខ្សែភាពយន្ត​ភាគ​ទូរទស្សន៍​ ជា​ពិសេស​អ្វី​ដែល​អ្នក​នាង​កំពុង​ត្រូវ​ប៉ាន់​ ក្នុង​អាជីព​ជា​អ្នក​ថត​បង្ហាញ​ម៉ូត​សម្រាប់​សម្អាង​ការ​នានា​។ ​​ចង់ដឹង​ថា​អ្នក​នាង​សុគន្ធ នីសា មាន​រូប​សម្រស់​កាន់​តែ​ស្រស់​ស្អាត​ប៉ុណ្ណា​ នៅ​ពេល​ដែល​តុបតែង​ខ្លួន​ក្នុង​ឈុត​ជា​កូន​ក្រមុំ​បែប​ប្រពៃណី​ខ្មែរ សូម​រីករាយ​ទស្សនា​ដូច​ត​ទៅ​៖

អត្ថបទដោយ៖ Vincent