តារាសម្តែងលោក ណូ ជ័យរិទ្ធី ហៅតូ ទទួលមរណភាពហើយ នៅព្រឹកនេះ

ភ្នំពេញ៖ ក្រោយធ្លាក់ខ្លួនឈឺជាច្រើនខែ ពេលនេះ អតីត​តារា​សម្តែង​លោក ណូ ជ័យ​រិទ្ធី ហៅ​តូ បានទទួល​មរណភាព​ហើយ នៅ​ព្រឹក​ថ្ងៃទី ១៦ ខែកញ្ញា ឆ្នាំ ២០១៩ នេះ ដោយសារ​ជំងឺ​ក្រិន​ថ្លើម។

បើតាមការបង្ហោះរបស់ហ្វេសប៊ុក សិល្បករកម្ពុជា កាលពីព្រឹកមិញនេះ បានឲ្យដឹងថា អតីតតារាសម្តែង លោក ណូ ជ័យរទ្ធី ហៅតូ បានទទួលមរណៈភាពហើយ កាលពីព្រឹកមិញនេះ ដោយ​សារ​ជំងឺក្រិនថ្លើម ហើយ​សព​របស់​លោកត្រូវបានតម្កល់ធ្វើបុណ្យតាមប្រពៃណី នៅវត្តចាក់អង្រែក្រោម ក្នុងខណ្ឌមានជ័យ រាជធានីភ្នំពេញ។

សូមជម្រាប់ថា អតីត​តារា​សម្តែង​ប្រុង​សលោក ណូ ជ័យ​រិទ្ធី ហៅ​តូ បាន​ធ្លាក់ខ្លួន​ឈឺ​កាន់តែ​ធ្ងន់ធ្ងរទៅៗមាន​រូបរាង​ស្គាំងស្គម ដោយសារ​អកា​រៈ​ជំងឺ​ក្រិន​ថ្លើម​ដំណាក់កាល​ចុងក្រោយ ដែល​ធ្វើ​ឲ្យ​មហាជន​ជាច្រើន​មានការ​ភ្ញាក់ផ្អើល និង​ព្រួយបារម្ភ​ពី​សុខភាព​របស់គាត់​យ៉ាងខ្លាំង៕