អតីត​សមាជិក Girls’ Generation នាង Tiffany Young ចេញ​បទ​ចម្រៀង​ទោល​លើក​ទី​មួយ​ជាមួយ​នឹង​ការ​សម្ដែង​យ៉ាង​សិច​ស៊ី​

Tiffany Young ទើប​នឹង​បញ្ចេញ MV ចម្រៀង​ចុងក្រោយ​បង្អស់​របស់​នាង​កាល​ពី​ម្សិលមិញ​នេះ ​ដែល​បទ​ចម្រៀង​របស់​នាង​មាន​ចំណង​ជើង​ថា “ Run for Your Life” ។ បទ​ចម្រៀង Run for Your Life ក៏​ត្រូវ​គេ​មើល​ឃើញ​ថា ជា​បទ​ចម្រៀង​ដំបូង​បង្អស់​របស់ Tiffany ដែល​ត្រូវ​បាន​នាង​ស្លៀក​បែប​សិចស៊ី​ជាង​សព្វ​មួយដង ហើយ​ហ្វេន​អ្នក​គាំទ្រ​បាន​ឡើកឡើង​ថា “នាង​កាន់​តែ​រីក​ចម្រើន​ទៅ​មុខ​ហើយ​”។

អតីត​សមាជិក​ក្រុម​ចម្រៀង​នារី Girls’ Generation រូប​នេះ បាន​បញ្ចេញ​បទ​ចម្រៀង​ជា​ហូរហែ ជា​ភាសា​អង់គ្លេស​ ក្រោយ​ពី​សមាជិក​ផ្សេង​ទៀត មាន​ភាព​ស្ងាត់ស្ងៀម ចំណែក​ឯ​នាង Tiffany វិញ​កំពុង​ឆក់​យក​តំណែង​ទីផ្សារ​ចម្រៀង យ៉ាង​ពេញ​ទំហឹង​នៅ​អាមេរិក​ខាង​ជើង​។ នេះ​ដោយសារ​តែ តារា​ចម្រៀង​កូរ៉េ ដែល​មាន​សញ្ជាតិ​អាមេរិក​រូប​នេះ អាច​ធ្វើ​ការ​បកស្រាយ​បទ​ចម្រៀង​ជា​ភាសា​អង់គ្លេស​បាន​យ៉ាង​ល្អ ព្រម​គ្នា​ជាមួយនឹង​បទ​ចម្រៀង​ជា​ភាសា​កូរ៉េ​។

សូម​បញ្ជាក់​ថា កញ្ញា Tiffany Young មាន​ឈ្មោះ​ដើម​ថា Stephanie Young Hwang។ នាង​ជា​តារា​ចម្រៀង​ដែល​មាន​ឈាម​ជ័រ​ជា​ជនជាតិ​កូរ៉េ ប៉ុន្តែ​នាង​បាន​កើត​នៅ​រដ្ខ​កាលីហ្វ័ញ៉ា សហរដ្ឋ​អាមរិក ហើយ​បច្ចុប្បន្ន នាង​មាន​អាយុ ៣០ឆ្នាំ ។ តាម​រយៈ​ប្រវត្តិ​របស់​នាង កាល​ពី​ឆ្នាំ 2007 នាង​បាន​ចាកចេញ​ពី សហរដ្ឋ​អាមរិក មក​ចូលរួម​ជាមួយ​ផលិតកម្ម SM Town និង​បាន​ក្លាយ​ជា​សមាជិក​នៅ​ក្នុង​កំពូល​ក្រុម​ចម្រៀង​នារី Girls’ Generation។

នាង​បាន​ចាកចេញ​ពី​ផលិតកម្ម និង​ក្រុម​ចម្រៀង ដោយ​ក្លាយ​ខ្លួន​ជា​តារា​ចម្រៀង​ទោល នៅ​ក្នុង​ឆ្នាំ 2016។ សព្វថ្ងៃ Tiffany ជា​តារា​ចម្រៀង​ទោស​អាមេរិក ក្រោម​កិច្ច​សហការ​ជាមួយ​ភ្នាក់ងារ​ចម្រៀង Transparent Arts ប៉ុន្តែ​បទ​ចម្រៀង​របស់​នាង​នៅ​តែ​មាន​ការ​គាំទ្រ​ពី​ជនជាតិ​កូរ៉េ​ដូច​មុន​ដដែល ហើយ​អ្វី​ដែល​ជា​ភាព​ស្ចារ្យ​បំផុត​នោះ នាង​បាន​ឆក់​បេះដូង​ទស្សនិកជន​បាន​ច្រើន​នៅ​ឯ​ទឹកដី​សហរដ្ឋ​អាមេរិក ដែល​ជា​ទឹក​ដី​កំណើត​របស់​នាង។

ដូច្នេះ​ចង់​ដឹង​ថា បទ​ចម្រៀង​ថ្មី​របស់  Tiffany Young ពីរោះ និង​សម្តែង MVសិចស៊ី យ៉ាង​ណា​នោះ សូម​ទស្សនា​ស្ដាប់​ទាំង​អស់​គ្នា​៖

អត្ថបទដោយ៖ Vincent