មង្គលការ ស៊ុន ស្រីពេជ្រ ប្រារព្ធឡើងយ៉ាងអស្ចារ្យបំផុត

ទីបំផុត​ថ្ងៃ​មង្គល​របស់ អ្នកនាង​ស៊ុន ស្រីពេជ្រ និង​ស្វាមី​លោក​តិច សុខដា ត្រូវ​បាន​ប្រារព្ធ​ឡើង​យ៉ាង​រលូន​ ព្រមទាំង​មាន​ភ្ញៀវ​​កិត្តិយស​ ចូលរួម​យ៉ាង​ច្រើន​កុះករ​ កាលពី​ថ្ងៃ ២៣ ម្សិល​មិញ នៅ​វិមាន​ពិភព​ថ្មី​សែនសុខ​។ មង្គលការ​របស់​អ្នកនាង

ត្រូវ​បាន​ចូលរួម​ពី​សាច់ញាតិ​បងប្អូន ព្រមទាំង​មិត្ត​សិល្បករ​នានា​ ជាពិសេស​ក៏​ឃើញ​មាន​ការ​អញ្ជើញ​ដ៏​ខ្ពង់ខ្ពស់ពី​លោក​ជំទាវ ម៉ែន សំអន និង​លោកជំទាវ ហ៊ុន ស៊ីណាត​ ដែល​ជា​ប្អូន​ស្រី​បង្កើត​របស់​សម្ដេច​នាយករដ្ឋមន្ត្រី​ផង​ដែរ​។

នៅ​ក្នុង​ទិដ្ឋភាព​នៃ​មង្គលការ​ទាំងមូល អ្នក​នាង​ស៊ុន​ស្រី​ពេជ្រ និង​ស្វាមី​ហាក់​មាន​ភាព​រីករាយ​ និង​ត្រេកអរ​ជា​ខ្លាំង​ព្រោះ​ជា​ថ្ងៃ​ជ័យ​មង្គល​ក្នុង​មួយ​ជីវិត​មាន​តែ​ម្ដង ចំណែក​ឯ​ការ​តុបតែង​ខ្លួន​របស់​ ដៃ​គូ​ស្វាមី​ថ្មី​ថ្មោង​ដែល​មាន​កូន​មួយ​នេះ ត្រូវ​បាន​តុបតែង​ខ្លួន​បាន​យ៉ាង​ស្អាត​ប្លែក​ និង​ក្មេង​ជា​មុន​ថែម​ទៀត​ផង​។