តារាចម្រៀង សាន ស្រីឡៃ បានទទួលមរណភាពអស់មួយរយៈធំមកហើយ ដោយពេលនេះពិធីរំឭកខួប ១ ឆ្នាំ របស់នាងក៏បានចូលមកដល់ដែរ ពោលគឺនៅថ្ងៃទី ១៦ ខែតុលា ឆ្នាំ ២០១៨ នេះ ដែលក្រុមគ្រួសារនាងបានរៀបចំធ្វើពិធីបង្សុកូលបន្តិចបន្តួចនៅគេហដ្ឋាន ក្នុងភូមិសែនសុខទី ១ សង្កាត់ឃ្មួញ ខណ្ឌសែនសុខ រាជធានីភ្នំពេញ ។
រំឭកដល់មរណភាពរបស់តារាចម្រៀង សាន ស្រីឡៃ ដែលប្រិយមិត្តស្គាល់ជាអតីតបេក្ខភាពឆ្នើមក្នុងកម្មវិធី The Voice Cambodia រដូវកាលទី ២ បន្តិច ដោយមរណភាពរបស់តារាចម្រៀងរូបនេះបានធ្វើឱ្យកក្រើកល្បីពេញស្រុកខ្មែរ ក្រោយភ្លើងប្រចណ្ឌពីបុរសជាស្វាមីជាជនបង្ក ។ តារាចម្រៀង សាន ស្រីឡៃ បានដេកស្លាប់ក្នុងថ្លុកឈាម ក្រោមស្នាដៃប្តីរបស់ខ្លួនដែលបានបាញ់សម្លាប់ចំនួន ៣ គ្រាប់ កាលពីថ្ងៃទី ១៦ ខែតុលា ឆ្នាំ ២០១៧ កន្លងទៅ នាវេលាម៉ោងប្រមាណ ៤ រសៀល នៅចំណុចហាងកែសម្ផស្សមួយកន្លែង ក្បែរស្ថានីយ៍ទូរទស្សន៍អប្សរា៕
