អីយ៉ា​!! ប៉ែន ចំរុង ត្រៀមខ្លួនចូលរោងការហើយ

​ហាក់ដូច​ជាមាន​ភាព​ពិតប្រាកដ​ថ្មីៗ​នេះ​ គេ​បានឃើញ​រូបភាព​ដែល​លោក ប៉ែន ចំ​រ៉ុង Surprise ចិ​ញ្ជៀ​ន​ដល់​គូស្នេហ៍​នៅ​ចំពោះមុខ​ក្រុមគ្រួសារ​ទាំងមូល ។ ក្នុងនោះ​ក៏​មានការ​លើកឡើងថា​ចំណង​ស្នេហ៍​របស់លោក ប៉ែ​ន ចំ​រ៉ុង លើក​នេះ​មិនមែន​ជាការ​លេងសើច​នោះទេ ។

បើតាម​គម្រោង​លោក ​នឹង​ដឹក​ដៃ​នារី​ជា​អ្នក​ខេត្តបាត់ដំបង​ចូល​រោងការ​នៅ​ឆ្នាំ ២០១៩ ខាងមុខនេះ តែ​មិនទាន់​មានការបញ្ជាក់​ពី​ពេលវេលា​ពិតប្រាកដ​ឡើយ ។ មិនទាន់រៀបការក៏ពិតមែន តែកន្លងមកអ្នកទាំងពីរតែងហៅគ្នាជាប្តីប្រពន្ធទៅហើយ ។

យ៉ាងណាមិញ ប៉ែ​ន ចំ​រ៉ុង និង គូស្នេហ៍​បានបង្ហាញ​រូបថត ផ្អែមល្ហែម​ជាច្រើន​ ដោយ​មិនមាន​ការលាក់លៀម​ដូច​មុន​ទេ ។ ​ក្នុងនោះ​ក៏មាន​ការ​ជូនពរ​ឱ្យ​ចំណង​ស្នេហ៍​អ្នក​ទាំងពីរ​រឹងមាំ​យូរអង្វែង ។ ពេលនេះ​ដែរ ប៉ែន ចំ​រ៉ុង មាន​សកម្មភាព​ថ្មីៗ​ជាច្រើន​ទាំង​ការសម្តែង ច្រៀង​កាត់សក់ និង​ សកម្មភាព​សង្គម​ជាច្រើន ៕