ថ្មីៗនេះគេបានឃើញតារាចម្រៀងរូបស្រស់ ពេជ្រ សូលីកា បានចូលរួមនៅក្នុងពិធីរៀបមង្គលការមួយ ។ ក្រៅពីមានការតុបតែងខ្លួនជាមួយនឹងសម្លៀកបំពាក់យ៉ាងស្រស់ស្អាតគេសង្កេតឃើញគ្រឿងអលង្ការដែល ពេជ្រ សូលីកា ពាក់សុទ្ធតែជាគ្រឿងអលង្ការពេជ្រ ។ ក្នុងនោះក៏មានការបង្ហើបថាគ្រាន់តែខ្សែកពេជ្ររបស់ ពេជ្រ សូលីកា ពាក់មានតម្លៃជិត ៦ ម៉ឺនដុល្លារ ។
បើតាមការសាកសួរពីសំណាក់អតិថិជនជាមួយនឹងម្ចាស់ហាងលក់គ្រឿងអលង្ការពេជ្រដែល ពេជ្រ សូលីកា ពាក់នោះបានប្រាប់ពីតម្លៃថាសម្រាប់ខ្សែកពេជ្រដែល ពេជ្រ សូលីកា ពាក់ជាមួយឈុតរ៉ូបពណ៌ក្រហមក្រម៉ៅគឺមានតម្លៃជិតបួនម៉ឺនដុល្លារ ហើយខ្សែកពេជ្រដែលនាងពាក់នៅក្នុងឈុតពណ៌ផ្កាននោងនោះមានតម្លៃជាងមួយម៉ឺនដុល្លារ ។ នេះមិនរាប់បញ្ចូលជាមួយគ្រឿងអលង្ការផ្សេងដែលមានដូចជាក្រវិល ឬ ចិញ្ជៀននោះទេ ។
