អារម្មណ៍នៅពេលជាប់ការងារ គឺពិតជាសប្បាយរីករាយជាទីបំផុត ហើយទន្ទឹមនឹងគ្នានេះ ការរៀបចំខ្លួននៅថ្ងៃដំបូងនៅកន្លែងការងារថ្មី ក៏មានសារៈសំខាន់ដែរ ព្រោះចំនាប់អារម្មណ៍នៃអ្នកគ្រប់គ្នានៅកន្លែងការងារថ្មីទៅលើរូបអ្នកនៅថ្ងៃដំបូង គឺសំខាន់ណាស់។ ចំនាប់អារម្មណ៍នៅកន្លែងការងារថ្មីថ្ងៃដំបូង វាអាចមានទំនាក់ទំនងជាមួយនឹងការទំនាក់ទំនងការងាររបស់អ្នក នៅកន្លែងការងារជាមួយអ្នកគ្រប់គ្នា ជាពិសេសប្រធានឬអ្នកគ្រប់គ្រងរបស់អ្នក។ ខាងក្រោមយើង នឹងបង្ហាញអ្នកនៅចំនុចមួយចំនួន។
- រក្សាសុខភាព
ការញ៉ាំអាហារពេលព្រឹកជារឿងសំខាន់ វាអាចកំណត់ថាពមពលប្រចាំថ្ងៃរបស់អ្នក ហើយក៏អាចអោយអ្នកមិនអស់កំលាំងគ្រប់គ្រាន់នាព្រឹកថ្ងៃបន្ទាប់បាន ។
- ទៅធ្វើការអោយបានមុនម៉ោង និង ចេញយឺត
ការទៅធ្វើការទាន់ពេលវេលា គឺជាអ្វីដែលបណ្តាក្រុមហ៊ុនចង់បាន ។ ការមកធ្វើការអោយបានមុនគេបន្តិចនៅថ្ងៃដំបូង ហើយអ្នកក៏គួរតែចេញរាងយឺតបន្តិចដែរ ដែលអាចបញ្ជាក់អោយឃើញថាអាចនឹងរៀនអ្វីដែលថ្មី ហើយក៏អាចទទួលយកអ្វីៗដែលថ្មីសម្រាប់ខ្លួនអ្នកបាន ។
- ធ្វើអោយមានការចាប់អារម្មណ៍
ស្លៀកសម្លៀកបំពាក់ដែលសាកសមជាមួយនឹងកន្លែងធ្វើការរបស់អ្នក រឺក៏ជ្រើសរើសសម្លៀកបំពាក់ណាដែលចូលចិត្ត និង សមរម្យ ។ ជាងនេះទៀតអ្នកត្រូវតែញញឹមជាប់ជានិច្ច ដើម្បីបញ្ជាក់ថាអ្នករីករាយនឹងការងារនេះ ។ អ្នកត្រូវតែមានភាពរួសរាយជាមួយមិត្តរួមការងារនោះអ្នកនឹងក្លាយក្រុមការងារដ៏ល្អមួយ ។
- ដឹងពីក្រុមហ៊ុននោះ
ការរៀបចំកិច្ចសន្ទនាមួយដែលទាក់ទងជាមួយនឹងក្រុមហ៊ុន មុននឹងអ្នកចាប់ផ្តើម នឹងជួយអ្នកអោយទទួលការងារនោះ ។ អ្នកត្រូវប្រាកដថា ការជជែករបស់អ្នកគឺត្រូវចំនុចដូចជា តម្លៃរបស់ក្រុមហ៊ុន បេសកកម្ម ចក្ខុវិស័យ និង ផលិតផល រឺក៏សេវាកម្មរបស់ក្រុមហ៊ុនផងដែរ ។ ទាំងនេះនឹងជួយអ្នកក្នុងការដែលមានទំនាក់ទំនងល្អជាមួយក្រុមការងារ ។
- មានទំនុកចិត្តលើខ្លួនឯង
ទំនុកចិត្តគឺជាគន្លឹះដ៏សំខាន់មួយសម្រាប់ការងារជោគជ័យ ។ បង្ហាញទំនុកចិត្តរបស់អ្នកចំពោះនិយោជក និង មិត្តរួមការងាររបស់អ្នក ពួកគេនឹងមើលឃើញថាអ្នកជាមនុស្សដែលធ្វើអោយក្រុមហ៊ុនមានការរីចម្រើន ។
- សួរ និង ស្តាប់យោបល់
គ្រប់ការងារ និង សកម្មភាពដំបូង អ្នកគ្រប់គ្នាតែងតែត្រូវការជួយ ប្រសិនបើអ្នកមានចំនុចណាមួយដែលមិនទាន់ច្បាស់លាស់លើការងាររបស់អ្នក អ្នកអាចសួរមិត្តរួមការការរបស់អ្នកដោយពាក្យនិង កាយវិការសមរម្យ ។ អ្នកអាចស្តាប់ការពន្យល់របស់ពួកគេ ហើយធ្វើការកត់ចំនាំផងដែរ ។ ការត្រៀមខ្លួនអោយរួចរាល់សម្រាប់ថ្ងៃដំបូងនៅកន្លែងធ្វើការពិតជាសំខាន់ណាស់ ។ ថ្ងៃដំបូងរបស់អ្នកត្រូវតែចាប់ផ្តើមដោយល្អបំផុត៕
ប្រភព៖ CamUpJob
