កាលពីថ្មីៗនេះ ពត៌មានកក្រើកបណ្តាញសង្គមហ្វេសប៊ុក ដោយមានការសែលតៗគ្នាច្រើន ដោយសារ មានគណនីយ្យមួយឈ្មោះ Life Unlock ធ្វើការលេង Challenge ខំមិនរហូតគ្រប់ចំនួនគាត់និងប្រមូលសំរាមតំបន់នេះ ក្រោយមកក៌គ្រប់ចំនួន ខំមិនគាត់បានធ្វើដូចអ្វីគាត់បានសន្យា បើគិតត្រឹមមកដល់ថ្ងៃនេះយុវជនរូបនេះ បានធ្វើការប្រមូលសំរាម ទីនេះ ជិត១សប្តាហ៌ហើយ យ៉ាងណាមិញកាលពីម្សិលមិញនេះ យុវជនរូបនេះកាន់តែរំភើបនិងរីករាយព្រោះមានការចូលរួមជួយពីសំណាក់បងប្អូនជាច្រើន។
ជាពិសេសទៀតនោះមានជំនួយពី មន្ទីរសាធារណការ និងដឹកជញ្ជូនរាជធានីភ្នំពេញ ជាមួយគ្រឿងចក្រជាច្រើនក្នុងការប្រមូលសំរាមនេះ ដូចនេះកាន់តែធ្វើអោយការងារមួយនេះ ឆាប់រហ័សជាងមុនទៀតរហូតមកដល់ថ្ងៃនេះគឺចំនួន១០ថ្ងៃហើយដែលយុវជនរូបនេះ និងក្រុមការងារធ្វើការប្រមូលសំរាម យោងតាមរយៈរូបភាពប៉ុន្មានសន្លឹក ដែលបានបង្ហាញមុនពេលកើបនិងក្រោយពេលកើបនោះ ពិតជាខុសប្លែកគ្នាឆ្ងាយណាស់ គឺយុវជនរូបនេះធ្វើបានស្អាត រួមជាមួយការសហការជាមួយ ក្រសួងផងដែរ។
ស្រាប់តែថ្ងៃនេះផងដែលយុវជនរូបនេះបានផ្លែងប្រាប់សារព័ត៌មានក្នុងស្រុកមួយថា : ខ្ញុំបាទ ជាស្ថាបនិកគម្រោងនេះ ព្រមទាំងយុវជនដទៃទៀតកំពុងពិភាក្សាគ្នាលើគម្រោងកែប្រែតំបន់លូនេះ ទៅជារមណីយដ្ឋានដ៏ស្រស់ស្អាត មួយនៅកណ្ដាលរាជធានីភ្នំពេញ ។ មូលហេតុដែលលោក និង យុវជនដទៃទៀតចង់បង្កើតរមណីយដ្ឋាននេះឡើង ព្រោះមិនចង់ឲ្យគ្រប់គ្នាហៅថាលូទឹកស្អុយ ចង់ឲ្យឈ្មោះថាលូទឹកស្អុយនេះ ទៅជារមណីយដ្ឋានដ៏ស្រស់ស្អាតមួយ ដែលលែងមានការចោលសំរាមតទៅទៀត ។ តាមគម្រោងលោក និង យុវជនដទៃទៀត នឹងប្រែក្លាយលូទឹកស្អុយនេះ ទៅជាកន្លែងលេងកម្សាន្ត មានដាក់ជារហាត់ទឹកដែលអាចប្រមូលសំរាមបាន មានចិញ្ចឹមត្រីចម្រុះពណ៌ មានស្ពានសំរាប់ដើរកំសាន្ត និងមានទូកជិះលេងទៀត ។ តាមគម្រោងដែលជាក្ដីស្រមៃរបស់លោក រមណីយដ្ឋានកើតចេញពីលូស្អុយនេះ លោក និង ក្រុមនឹងដាក់ឈ្មោះថា «អាងត្រីនាងចម» ។ លោកប៉ុន្តែទៀតថា រមណីដ្ធានបែបនេះប្រទេសជប៉ុនមានយូរមកហើយ ខ្ញុំចង់ធ្វើបែបនោះដែរ ។ ចុះប្រិយមិត្តយល់យ៉ាងណាដែល?
