ដូចប្រមិយមិត្តបានជ្រាបដឹងកន្លងមកថា តារាសម្ដែងប្រុស និងច្រៀង លោក បញ្ញាសិទ្ធិ ត្រូវបាននារីអ្នកលេងបណ្ដាញសង្គមម្នាក់ បកអាក្រាតរឿងខ្ចីលុយមិនសង ដែលសំណេររបស់នាងអះអាងពីអត្តចរឹតពិតរបស់តារាប្រុសរូបនេះ និងឱ្យលោក សិទ្ធ ចេញមុខដោះស្រាយចំពោះបញ្ហានេះ។ ហ្វេសប៊ុកនាងមានឈ្មោះ កញ្ញា តែងអន បានអះអាងថា លោក បញ្ញាសិទ្ធ ខ្ចីលុយមិនសង និងBlock FB Block លេខទូរស័ព្ទ ទាក់ទងមិនបាន។
តែយ៉ាងណាមិញ តារាប្រុសរូបនេះ បានអះអាងថា ម្ចាស់គណនីនោះ និងលោកមិនដែលស្គាល់គ្នាទាល់តែសោះ ហើយសំខាន់លោកមិនដែលបានជំពាក់លុយបុគ្គលណាម្នាក់ក្រៅពីបំណុលធនាគារមួយចំនួនតូចក្នុងរឿងមុខជំនួញទាល់តែសោះ ស្រាប់តែមានអ្នកមកបង្ហោះបង្ខូចឈ្មោះបែបនេះ។
ថ្មីៗនេះលោក បញ្ញា សិទ្ធិ បានបកស្រាយប្រាប់អ្នកសារព័ត៌មានថា ដ្បិតតែឃើញលោកស្ងាត់ តែលោកមិនបានបណ្ដោយអោយនារីម្នាក់ដែលបង្ខូចថាលោកជំពាក់លុយ និងយកលុយទៅចិញ្ចឹមប្រុសមុននោះរួចខ្លួននោះឡើយ គឺលោកនៅតែបន្តនិតិវិធីដាក់បណ្ដឹងទៅកាន់ក្រសួងមហាផ្ទៃ ដោយមានតំណាងមេធាវីរបស់លោកខ្នះខ្នែងមិនដកដៃដដែល។ លោកថាខ្លួនបានរៀបចំសំណុំរឿង និងឯកសារភស្តុតាងគ្រប់គ្រាន់អស់ហើយ ដោយស្ត្រីដែលជាបងស្រីរបស់តារាមួយរូប ដែលបានបង្ខូចឈ្មោះលោកនោះ ដាច់ខាតត្រូវតែសុំទោសលោកជាសាធារណៈ បើមិនចង់ជាប់ផ្លូវច្បាប់នៅក្នុងបណ្ដឹង។
លោកថាខ្លួននឹងពន្លឿនពាក្យបណ្ដឹងអោយចេញរូបរាងក្រោយត្រលប់ពីអូស្ត្រាលីវិញ ដើម្បីអោយបងស្រីរបស់តារាម្នាក់ដែលក្លាយជាសត្រូវរបស់លោកម្នាក់នោះ ប្រឈមមុខដោយផ្ទាល់។ លោកថាខ្លួនមិនចង់បានទឹកប្រាក់សំណងជំងឺចិត្តទេ ប៉ុន្តែបើមិនព្រមចេញមុខសុំទោស គឺពិតជាល្អមើល មិនយូរមិនឆាប់៕
