រៀបការ ៣ ឆ្នាំហើយ!! វីជេ រតនា ជូនកាដូរពិសេសមួយដល់ភរិយាតម្លៃជាង១០ម៉ឺនដុល្លារ

គ្មានអ្នកណាមិនភ្ញាក់ផ្អើលនោះទេ នៅពេលអតីតវីជេរតនា បានបង្ហាញកាដូ ក្នុងឱកាសខួប៣ឆ្នាំ នៃអាពាហ៍ពិពាហ៍ របស់ខ្លួន ជាមួយនឹងរថយន្តសេរីទំនើប ម៉ាក Land Cruiser 2018 ដែលត្រូវគេប៉ាន់ស្មានថា មានតម្លៃរហូតដល់ជាង១០ម៉ឺនដុល្លារ។ ក្រៅពីកាដូឲ្យភរិយា នូវរថយន្តតម្លៃកប់ក្ដោង អតីតពិធីកររូបនេះ ក៏ត្រូវគេឃើញនាំភរិយា ទៅដើរកម្សាន្តបន្ថែម ភាពផ្អែមល្ហែមផងដែរ។ នេះជាកាដូដែលបានកើតឡើង បន្ទាប់ពីលោក និងភរិយាកាន់តែជោគជ័យ ក្នុងមុខជំនួញ ខណ:ដែលលោករតនា ក៏ត្រូវគេល្បីថា ត្រៀមទិញងារឧកញ៉ា ដើម្បីឲ្យកាន់តែងាយស្រួល ក្នុងជំនួញនាំចូលរថយន្តយកមកលក់ ជំនួញលក់ដី និងជំនួញបើកការ៉ាសសាំង។ កាដូរខួប៣ឆ្នាំ របស់លោកជូនភរិយា ក៏ស្របនឹងជំនួញរបស់ភរិយាលោក បើកលក់ផលិតផលឡេ និងផលិតផលថែរក្សា សម្រស់ទ្រង់់ទ្រាយធំ ដែលមានន័យថា លោក និងភរិយា ជោគជ័យទាំងជំនួញ និងស្នេហា។

អតីតវីជេរតនា កាន់តែធ្វើអោយអ្នកគាំទ្ររំជួលចិត្តទៅទៀត ជាមួយនឹងការបង្ហោះសារគួរអោយច្រណែនសំណាងភរិយារបស់លោកថា “រីករាយ​ថ្ងៃខួប​អាពាពិពាហ៍​៣ឆ្នាំ​ប្រពន្ធសម្លាញ់ស្មើរនឹង​ 1095 ថ្ងៃ​ :heart:តាំងពីយើងបាន ចាប់ដៃគ្នាជាប្ដីប្រពន្ធអស់រយៈ​ពេល​៣ឆ្នាំនេះ​ យើងបានឆ្លង​ ឧបសគ្គ​ច្រើន ណាស់​ :sweat: ការបរាជ័យ​ :sweat: គេ​ច្រឡែន​ :sweat:គេឈ្នានីស​ :sweat:គេមើលងាយ​ :sweat:។ តែយើងទាំងពីរ​ អ្នកនៅតែទ្រាំបាន​ នៅតែតស៊ូ​ នឹង​ នៅតែមិនចុះចាញ់​ មិន​ បាក់ទឹកចិត្ត​ តស៊ូ​រហូតបានមកដល់សព្វថ្ងៃនេះ​ :heart:

៣ឆ្នាំមកនេះ​ បងដឹងច្បាស់ណាស់​ ទំនួល​ ជា​ ប្ដី​ ទំនួល​ ជា​ ឪពុក​ វាធំ​ ដល់កំរឹត​ ណា​ :confounded: តាំងពីចាប់ដៃគ្នាជាប្ដីប្រពន្ធមក​ បងតែងតែនិយាយប្រាប់​ ខ្លួនឯងជានិច្ចថា​ ជីវិតដែលបងនៅសល់ទាំងប៉ុន្មាន​ បងនឹង​ ផ្ដល់ឲគ្រួសារដ៏តូចមួយនេះ​ ហើយ នឹង​ ធ្វើឱ្យគ្រួសារ​ របស់​យើងមានសុភមង្គល​ ជារៀងរហូត​ :heart:

៣ឆ្នាំកន្លងផុតទៅ​ យើង​បាន​ កូនប្រុស​ ដ៏គួរ​អោយស្រលាញ់រហូត​ ដល់​ ទៅ​ ២​នាក់:baby::baby::heart:
បងចង់ប្រាប់អូនថា​ សព្វថ្ងៃនេះ​ បងមានក្ដីសុខខ្លាំងណាស់​ នៅពេលដែរអូន​ នឹង​ កូនៗ​ នៅជិតបង​ :man::baby::boy::woman:

បងសូមទោសអូន​ ប្រសិន​ កន្លងទៅនេះ​ បងបានប្រើ ពាក្យសម្ដី​ មួយណាមិនល្អ​ ដែលធ្វើអោយ​ អូនមានអារម្មណ៍មិនល្អ​ ចំពោះបង :pray:

បងសន្យាជាមួយអូន​ នឹង​ កូនៗថា​ បងនឹង​ ធ្វើឱ្យអូននឹង​ កូនៗ​ មានក្ដី​ សុខពេញ​ មួយជីវិត​ :ok_hand:

ពីបង​ (​ ប្ដីដ៏ល្អរបស់អូន​ :heart: )”៕