កញ្ញា ទឹម រដ្ឋា តារាស្រីដែលហ៊ានសម្រេចចិត្តរួមរស់នៅក្រោមទ្រនំថ្មីតែមួយ ជាមួយនឹងសង្សារថ្មីទ្រព្យស្តុកជាតិអាមេរិកគឺលោក ចូវ៉ានី អេនតូនីញ៉ូ (Jovany Antonio) គឺជានាយកប្រតិបត្តិ និងស្ថាបនិកនៃក្រុមហ៊ុនអចលនទ្រព្យ Capital Management Solutions (CMS) នោះ ក្រោយពីស្រឡាញ់មើលចិត្តថ្លើមគ្នាអស់រយៈពេលជាច្រើនឆ្នាំ ឥឡូវនេះ រដ្ឋា បានសម្រេចបង្ហើបប្រាប់រឿងរៀបការជាមួយគូស្នេហ៍ហើយ។
កញ្ញា ទឹម រដ្ឋា បានឲ្យដឹងថា ឃើញអ្នកសិល្បៈចូលរោងការព្រោងព្រាតខ្លួនពិតជាចង់រៀបការខ្លាំងណាស់តែដោយសារមួយរយៈនេះទាំងនាង និងគូស្នេហ៍ជាប់រវល់ជាមួយការងារខ្លាំងពេកដកឃ្លាមិនរួចទើបត្រូវពន្យាពេលម្ដងហើយម្ដងទៀតដូច្នេះ។ ជាមួយអារម្មណ៍រំភើបកញ្ញា ទឹម រដ្ឋា បាននិយាយថា៖”ឃើញគេការខ្ញុំចង់ការដែរតើ ហើយគូស្នេហ៍ខ្ញុំគាត់ក៏ចង់រៀបការជាមួយខ្ញុំក្នុងពេលឆាប់ៗផងដែរ។ មិនយូរទេប្រហែល២ឆ្នាំទៀតយើងនឹងចូលរោងការជាមួយគ្នាហើយ។ ណាមួយខ្ញុំក៏បានទៅជួបប៉ាម៉ាក់គាត់រួចដែរលោកទាំងពីរស្រឡាញ់ពេញចិត្តខ្ញុំខ្លាំងណាស់”។
តែមិនយូរនោះទេនាង និងគូស្នេហ៍នឹងចូលរោងការជាមួយគ្នាក្នុងពេលឆាប់ៗនេះហើយដោយអំឡុងពេលនេះលោក Jovany បានសួរនាំមិត្តភ័ក្ដិមួយចំនួនដែលជាជនជាតិខ្មែរអំពីទំនៀមទំលាប់ប្រពៃណីចូលរោងការរបស់ជនជាតិខ្មែរ មុនលោកឲ្យចាស់ទុំមកចូលស្ដីដណ្ដឹង ទឹម រដ្ឋា ដើម្បីចូលរោងជ័យនាពេលខាងមុខ៕
