ចិត្តល្អមែន! ក្រុមហ៊ុនខ្មែរមួយបង្កើតសាលប្រជុំខ្នាតធំ បំពាក់សុទ្ធបរិក្ខារទំនើបៗ ដាក់ឲ្យប្រើ Free! Free! ចំពោះសិស្សនិស្សិត និងសាធារណាជនទូទៅ

ភ្នំពេញ៖ ក្រុមហ៊ុន​ខ្មែរ ប៊ែ​វើ​រី​ជី​ស បានប្រកាស​កាល​ដាក់​ឲ្យ​ដំណើរ​សាលប្រជុំ​ខ្នាត​ធំ សម្រាប់​សិស្ស​និស្សិត និង​សាធារណជន​ប្រើប្រាស់​ដោយ​មិន​គិតថ្លៃ ដើម្បី​រៀបចំ​សិក្ខាសាលា កម្មវិធី​សប្បុរសធម៌ និង​កម្មវិធី​នានា​ដែល​មិន​រកប្រាក់​ចំណេញ។

ការប្រកាស​នេះ ធ្វើឡើង​កាលពី​រសៀល​ថ្ងៃទី ២ ខែសីហា ឆ្នាំ២០១៩ នេះ ដោយ សាលប្រជុំ​ខ្នាត​ធំ​នោះ បំពាក់​ទៅដោយ​គ្រឿង​បរិក្ខារទំនើបៗ កៅអីអង្គុយ​ប្រកបដោយ​ផាសុកភាព និង​អាច​ផ្ទុក​អ្នក​ចូលរួមបាន​ដល់​ទៅ ៣០៨ នាក់។ ចំពោះ​ដំណឹង​នេះ វា​ពិតជា​ល្អ សម្រាប់​បងប្អូន សិស្ស​និស្សិត និង​អង្គ​ការមិន​រកប្រាក់​ចំណេញ​នានា ដែល​គ្មាន​លទ្ធភាព​រក​កន្លែង​ប្រជុំ អាច​ទៅ​ដាក់ពាក្យ​ស្នើសុំ​បាន​នៅ​ក្រុមហ៊ុន​ខាងលើ មាន​ទីតាំង​តាម​បណ្ដោយ​ផ្លូវ 271 ចំការ​ដូង ដែល​ស្ថិតក្នុង​រោងចក្រ​ស្រា​បៀរ​កម្ពុជា ផ្ទាល់​តែម្ដង។

បងប្អូន​ទាំងអស់​អាច ទាញយក​លិខិត​ស្នើសុំ​កក់​សាលប្រជុំ​ខាងក្រោម​នេះ រួច​បំពេញ និង​ផ្ញើ​មកកាន់​អ៊ី​ម៉ែ​ល [email protected]។ សម្រាប់​ព័ត៌មាន​បន្ថែម​សូម​ទាក់​ទង់​ក្រុមហ៊ុន​តាមរយៈ​លេខ 067 666 880៕