លិខិតអំពាវនាវ ដើម្បីចូលរួមសាងសង់ជើងទំនប់ផ្លូវការពារទឹកជំនន់

កំពង់ចាម៖ រដ្ឋបាល ប៉ុស្តិ៍ នរគបាលកំពង់រាប ស្ថិតនៅក្នុងស្រុកកោះសូទិន ខេត្តកំពង់ចាម តាមរយៈលោកអនុសេនីយ៍ឯកធឹម ឆៃលី នាយរងប៉ុស្តិ បានអំពាវនាវ  សម្ដេច ទ្រង់ឯកឧត្តម​ លោកជំទាវ លោកឧកញ្ញា លោក​ លោកស្រី​ អ្នក​នាងកញ្ញា​ ជួយឧបត្ថម្ភជាថវិកា តិចក្ដី ច្រើនក្ដី ដើម្បីចូលរួម សាងសង់ជើងទំនប់ផ្លូវថ្មីមួយខ្សែ កាត់ព្រែកតាឈឹម​ ស្ថិតនៅភូមិកំពង់ស្ដីក្រោម​ ឃុំកំពង់រាប​ ស្រុកកោះសូទិន ខេត្តកំពង់ចាម តាមបណ្ដោយមាត់ទន្លេមេគង្គ ទៅភ្ជាប់ជាមួយព្រំប្រទល់ឃុំមហាខ្ញូង។​

ដោយខ្លាចទឹករលក ទឹកជំនន់​ ហូរពារ ធ្វើឲ្យបាក់ស្រុត និងដាច់ផ្លូវ មិនអាចធ្វើដំណើរបាន ទើបរដ្ឋបាល ឃុំកំពង់រាប មានបំណង់ រៀបជើងទេរសង្ខាង ការពារផ្លូវពីទឹកជំនន់ ដើម្បីបញ្ជៀសពីការ បាក់ស្រុត   ឫហូរដាច់ផ្លូវ ដែលមាន​ទទឹង​ ២,៥ម៉ែត្រ និងបណ្ដោយ ១,៦០ម៉ែត្រ ។

ផលប្រយោជន៍របស់ផ្លូវនេះ

១. ជាផ្លូវគមនាគមន៍ សម្រាប់តភ្ជាប់ឃុំកំពង់រាប ទៅឃុំមហាខ្ញូង​ ទាំងរដូវទឹកសម្រក និងរដូវទឹកឡើង។
២. ជាផ្លូវសម្រាប់សិស្សានុសិស្ស ក្នុងឃុំកំពង់រាប ធ្វើដំណើរ​ទៅ​សិក្សានៅវិទ្យាល័យមហាមង្គលហ៊ុន សែនមហាសៀក​ ស្ថិតក្នុងឃុំមហាខ្ញូង ។
៣. ជាផ្លូវសម្រាបរថយន្ត មកទិញកសិផលរបស់ប្រជាពលរដ្ឋ។
៤. ជាផ្លូវដែលប្រជាពលរដ្ឋ ឃុំ​ផ្សេង​ ជាពិសេស ឃុំមហាខ្ញូង​ និងឃុំព្រែកតានង់ឆ្លងកាត់ ទៅសាលាស្រុកកោះសូទិន។
៥. ជាពិសេសជាផ្លូវតែមួយគត់ ដែលប្រជាពលរដ្ឋ អាចឆ្លងកាត់នៅរដូវទឹកឡើង ដើម្បីមកឃុំកំពង់រាប ( មានរដូវបិណ្ឌភ្ជុំជាដើម…….)

អាស្រ័យ​ដូច បានថ្វាយនិងគោរពជូន ខាងលើ​សូម​ ព្រះតេជគុណ ឯកឧត្តម​ លោកជំទាវ​ លោក​ លោកស្រី​ អ្នក​នាងកញ្ញា​ មេត្តា ចូលរួម​ជួយ​ តាមសទ្ធាជ្រះថ្លា ដើម្បីអោយគម្រោងនេះអាចអនុវត្តទៅបាន ដោយជោគជ័យ​។ រដ្ឋបាលឃុំសង្ឃឹមយ៉ាងមុតមាំ ចំពោះការចូលរួម របស់​ព្រះតេជគុណ​ ឯកឧត្តម​ លោកជំទាវ​ លោក​ លោកស្រី​ អ្នក​នាងកញ្ញា​ ។

ចំពោះ​ការចូលរួម​ សូម​ទំនាក់ទំនង​តាមរយៈលេខទូរស័ព្ទខាងក្រោម
១/ លោក​ ឡាត​ លាប​ ស្មៀន​ឃុំកំពង់រាប លេខទូរស័ព្ទ​ ០១២​ ២១១​ ២៧២​ / ០១០ ២៦៩ ២១៨

២/ លោក​ អនុសេនីយ៍ឯក ធឹម ឆៃលីនាយ រងប៉ុស្ដិ៍កំពង់រាប ០៦៦ ២៤៦ ៩៨១/០៩៧៤៦២៦០១៥

ចំពោះថវិកាដែលចូលរួមគឺរក្សានូវតម្លាភាព មានបញ្ជីរាយនាម ថវិកា​សរុប​ ឯកភាពពីលោកមេឃុំ នឹងធ្វើការបិទផ្សាយនៅសាលាឃុំ ព្រមទាំង​អាចធ្វើលិខិតថ្លែងអំណរគុណ តាមភាពជាក់ស្ដែង ។
សូមអរព្រះគុណ​ និងអរគុណ​!!!