បុរសម្នាក់បាញ់រះក្នុង​ផ្សារ​ទំនើប វ័លម៉ាត (Walmart) ស្លាប់​មនុស្ស ២០ និង​របួស ២៦នាក់

នៅ​រដ្ឋ​តិចសាស​នៃ​ប្រទេស​អាមេរិច មាន​យុវជន​ម្នាក់​កាន់​ អាកា ៤៧ ចូល​បាញ់រះ​នៅ​ក្នុង​ផ្សារ Walmart ស្លាប់​មនុស្ស​យ៉ាង​តិច​ ២០ នាក់​និង​របួស ២៦ នាក់​ទៀត។ ហេតុការណ៍​នេះ​បាន​កើតឡើង​កាល​ពី​វេលា​ម៉ោង ១០ព្រឹកថ្ងៃទី ៣ សីហា (ម៉ោង​នៅ​អាមេរិក​)គឺ​ប្រមាណ ៦ ម៉ោង​មុន​នេះ ដោយ​យុវជន​ម្នាក់​ឈ្មោះ Patrick Crusius អាយុ ២១ ឆ្នាំ ស្ពាយ​អាវុធ​ម៉ាក​អាកា​មិន​ដឹង​មក ពី​ណា​មក បាញ់​ដំបូង​នៅ​ចំណត​ឡាន​នៃ​ម៉ាត El Pasoស្ថិត​ក្នុង​ទី​ក្រុង​ដាឡាស​រដ្ឋ​តិចសាស់ រួច​ចូល​ទៅ​ក្នុង​បាញ់​រះ​គ្មាន​ញញើត​ដៃ បណ្តាល​អោយ​មាន​មនុស្ស ស្លាប់​យ៉ាង​តិច ២០នាក់​និង របួស ២៦នាក់​ទៀត​។

អភិបាល​រដ្ឋ​តិច​សាស លោក Greg Abbott បាន​ចាត់​ទុក​ការ​បាញ់​ប្រហារ​នៅ​ព្រឹក​ថ្ងៃ សៅរ៍ ​ចុង​សប្ដាហ៍​នេះ ​គឺជា​ការ​បាញ់​សម្លាប់​មនុស្ស​ដ៏​រង្គាល​បំផុត​នៅ ក្នុង​ប្រវត្តិសាស្ត្រ​នៃ​រដ្ឋ​តិចសាស។ ការ​បាញ់​ប្រហារ​នេះ​បាន​កើតឡើង​នៅ​ផ្សារ​ទំនើប វ័លម៉ាត (Walmart) មួយ​កន្លែង​ស្ថិត​នៃ​ទី​ក្រុង El Paso ខណៈ​បុរស​អាយុ ២១ ឆ្នាំ រូប​នេះ​ ត្រូវ​បាន​ចាប់​ខ្លួន​បាន​ភ្លាម​ៗ​ផង​ដែរ​។ ប៉ុន្តែ​គេ​មិន​ទាន់​ដឹង​ពី​មូលហេតុ​នៃ​ការ​បាញ់​ប្រហារ​នេះ​នៅ​ឡើយ​ទេ ដោយ​គ្រាន់​តែ​នៅ​ក្នុង​កាមេរ៉ា​សុវត្ថិភាព​គេ​ឃើញ​ជន កាន់​កអាវុធ​វែង​មួយ​ដើម​ចូល​មក​បាញ់រះ​តែ​ម្តង​៕

ប្រភព៖ channelnewsasia