រំជួល​ចិត្ត​ពេល​ឃើញ​វីដេអូ ជន​រងគ្រោះ​ដើរ​សុំ​ឲ្យ​គេ​ជួយ​បែក​ជា​គ្មាន​អ្នក​អើប​ពើរ​ក្នុង​ករណី​ផ្ទុះ​ហ្គេស​នៅ​ក្រុង​សៀមរាប

កាល​ពី​វេលា​ម៉ោង​ប្រមាណ ១​រសៀល​ថ្ងៃ​ទី១៤ ខែ​សីហា ឆ្នាំ២០១៩ ម្សិលមិញ​នេះ មាន​គ្រោះ​អគ្គីភ័យ​បណ្តាល​មក​ពី​ផ្ទុះ​ធុង​ហ្គាស​នៅ​ហាង​បញ្ចូល​ហ្គាស​មួយ​កន្លែង តាម​បណ្តោយ​ផ្លូវ​លោក​តាណឺយ ស្ថិត​ក្នុង​ភូមិវត្ត​បូព៌ សង្កាត់​សាលា​កំរើក ក្រុង​សៀមរាប ខេត្ត​សៀមរាប។

យោង​តាម​វីដេអូ ​បង្ហោះ​តាម​រយៈ​បណ្ដាញ​សង្គម​ហ្វេសប៊ុក​ ​មាន​ជន​រង​គ្រោះ​ម្នាក់​ឆេះ​រលួយ​ស្បែក បាន​ដើរ​ចេញ​ពី​កន្លែង​កើត​ហេតុ​ហើយ​​សុំ​ឲ្យ​គេ​ជួយ​ជូន​ទៅ​មន្ទីរពេទ្យ​ បែរជា​គ្មាន​អ្នក​​អើប​ពើរ សូម្បី​មួយ​នាក់​។ តើ​ជនជាតិ​ខ្មែរ​មិន​ចេះ​ជួយ​គ្នា​ទេ ក្នុង​គ្រា​មាន​អាសន្ន​? ​​តែងតែ​ឮ​គេ​និយាយ​តៗ​គ្នា​ថា «ខ្មែរ​ជួយ​ខ្មែរ» តើ​ពាក្យ​នេះ​អាច​យក​ជា​ការ​បាន​ទេ​ក្នុង​ករណី​មួយ​នេះ​? ឧទាហរណ៍៖ ប្រសិន​ជា​អ្នក​ស្ថិត​ក្នុង​ស្ថានភាព​បែប​នេះ​តើ​អ្នក​មាន​អារម្មណ៍​បែប​ណា​?​ វីដេអូ​មួយ​នេះ​ បាន​ធ្វើ​ឲ្យ​លេង​បណ្តាញ​សង្គម​មើល​វីដេអូ​នេះ​ហើយ​ហួស​ចិត្ត​គ្រប់​ៗ​គ្នា រួច​លើក​សំនួរ​រិះគន់​ថា «ហេតុអ្វី​មិន​ជួយ​គាត់​ផង​» ខណៈ​ដែល​មនុស្ស​កំពុង​ឈរ​មើល​ជុំវិញ​នោះ​សុទ្ធតែ​គ្មាន​អ្នក​អើប​ពើរ​។

គួរ​បញ្ជាក់​ផង​ដែរ​ថា​ ពត៌​មាន​ចុងក្រោយ​ពុំ​មាន​មនុស្ស​ស្លាប់​ទេ ក្នុង​ករណី​ផ្ទុះ​ហ្គាស​ឆេះ​ហាង​បញ្ចូល​ហ្គាស​រថយន្ត​មួយ​កន្លែង​ ដោយ​មាន​អ្នក​រង​របួស​ចំនួន​១៣​នាក់ ស្រី​ចំនួន​ ៣​នាក់ ក្នុង​នោះ​របួស​ធ្ងន់​ចំនួន​ ៦ នាក់ ហើយ​ក្នុង​ចំណោម​អ្នក​រង​របួស​ចំនួន​១៣​នាក់​ មាន​ជនជាតិ​បរទេស ចំនួន​ ២​នាក់៕