រដ្ឋាភិបាល​ក្រុង​ប៉េកាំង បន្ត​បញ្ចេញ​ចង្កូម​សម្ញែង​ក្រុម​បាតុករ​នៅ​ហុងកុង

ហុងកុង៖ បន្ទាប់​ពី​បញ្ជូន​កង​កម្លាំង​ប៉ូលីស​ផ្នែក​បង្កាប់ (China’s People’s Armed Police) ជា​ច្រើន​នាក់ ទៅ​ក្បែរ​ទី​ក្រុង​ហុងកុង ដើម្បី​ត្រៀម​ទប់ទល់​នឹង​ក្រុម​បាតុកម្ម​ប្រឆាំង រដ្ឋាភិបាល​ក្រុង​ប៉េកាំង​បាន​បញ្ចេញ​ចង្កូម​ជាថ្មី ដោយ​បញ្ជា​ឲ្យ​ធ្វើ​សមយុទ្ធផ្សេងៗ ដែល​នេះ​សញ្ញា​មួយ​ចង់​បង្ហាញ​ទៅ​ក្រុម​ប្រឆាំង​ឲ្យ​មាន​ការ​ខ្លាច​រអា​។

កម្លាំង​ប៉ូលីស​ប៉ារ៉ា​ប្រដាប់​អាវុធ បាន​បន្ត​ធ្វើ​សម​យុទ្ធ​នៅ​ក្នុង​ទីក្រុង​សិនជិន ជាប់​ព្រំដែន​ទី​ក្រុង​ហុងកុង កាល​ពី​ថ្ងៃ​សៅរ៍​នេះ។ តាម​ការ​រំពឹង​ទុក កង​កម្លាំង​ទាំងនោះ នឹង​ត្រូវ​បញ្ជូន​ទៅ​បង្ក្រាប​ការ​តវ៉ា​ភ្លាម​ប្រសិន​បើ​ស្ថាន​ភាព​ផ្ទុះឡើ​ង​ខ្លាំង។ ក្នុង​សមយុទ្ធ​នោះ គេ​ឃើញ​មានរ​ថ​ពាស​ដែក​យោធា​ពណ៌​ខៀវ និង​រថយន្ត​ធន់ធ្ងន់​រាប់សិបគ្រឿង​ចត​នៅ​ខាងក្នុង និង​ខាងក្រៅ​បរិវេណ​នោះ។

យ៉ាង​ណា សារព័ត៌​មាន​រដ្ឋចិននិយាយថា លំហាត់​សម​នានា​នៅ​ទីក្រុង​សិន​ជិន គឺ​មិន​បាន​ជាប់​ពាក់ព័ន្ធ​នឹង​ភាព​រំជើបរំជួល​ក្នុង​ទីក្រុងហុងកុងទេ ដោយ​វាគ្រាន់តែ​សមយុទ្ធ​មួយ ដែល​មាន​ការគ្រោង​ធ្វើតាំងពីមុន​ពេលមានការតវ៉ាកើតឡើងមក​ម្ល៉េះ៕