ស្ពានអាកាសថ្មើរជើងថ្មី ២ កន្លែងទៀត នឹងបង្ហាញខ្លួនឆាប់ៗនេះ ក្នុងរាជធានីភ្នំពេញ

ភ្នំពេញ៖ អាជ្ញាធរ​រាជធានី​ភ្នំពេញ បាន​សម្រេច​បន្ត​ស្ថាបនា​ស្ពាន​អាកាស​ថ្មើរជើង​ចំនួន ២ កន្លែង​ទៀត ដើម្បី​ជួយ​សម្រួល​ដល់​ការធ្វើដំណើរ​របស់​ប្រជាពលរដ្ឋ​ក្នុងការ​ឆ្លងកាត់ ផ្លូវ ប្រកបដោយ​សុវត្ថិ​ភាពមិន​ប្រឈម​​បញ្ហា​គ្រោះថ្នាក់​ចរាចរណ៍​ណាមួយ​កើតឡើង។

តាមការបង្ហោះឲ្យដឹងតាមរយៈហ្វេសប៊ុកផេករបស់រដ្ឋបាល​រាជធានី​ភ្នំពេញ​ ​កាលពីព្រឹកថ្ងៃទី ២៤ ខែសីហា ឆ្នាំ ២០១៩ បានឲ្យដឹងថា រដ្ឋបាលរាជធានីភ្នំពេញ កំពុងមាន គម្រោងស្ថាបនាស្ពានអាកាសថ្មើរជើង​ចំនួន ២ ទីតាំង​បន្ថែមទៀត សម្រាប់បងប្អូនប្រជាពលរដ្ឋធ្វើដំណើរដោយថ្មើរជើងឆ្លងកាត់តំបន់នោះប្រកបដោយសុវត្ថិភាព។

សម្រាប់គម្រោងទី ​១ មានទីតាំងស្ថិតនៅលើមហាវិថីម៉ៅសេទុង ខាងកើតសាលាបឋមសិក្សាសន្ធរម៉ុក និង​គម្រោង​ទី ២ មានទីតាំងស្ថិតនៅលើមហាវិថីម៉ៅសេទុងខាងលិចផ្សារដើមគ។

គម្រោង​ស្ថាបនា​ផ្លូវ​ថ្មើរជើង​នេះ ត្រូវបានរដ្ឋបាល​រាជធានី​ភ្នំពេញ​អៈ​អាង​ថា ​ដើម្បី​ឆ្លើយតប​ទៅនឹងប្រទេសជាតិ​មា​នការ​អភិវឌ្ឍ​កាន់​តែ​រីកចម្រើន ហើយក៏ធ្វើឲ្យ​ទីក្រុង​កាន់តែ​ស៊ីវីល័យ ពិសេស​បង្កលក្ខណៈ​ងាយស្រួល​ដល់​ប្រជាពលរដ្ឋ​បានធ្វើ​ដំណើរ​ឆ្លងកាត់​ផ្លូវ​មិន​ប្រឈម​គ្រោះថ្នាក់​កើតឡើង។ សូមរំឮកថា គិតមកដល់ពេលនេះ​រាជធានី​ភ្នំពេញ​មាន​ស្ពាន​អាកាស​ថ្មើរជើង​ចំនួន ៣ កន្លែង​ហើយ ដោយ ២ កន្លែង​នៅ​តំបន់​ជម្ពូ​វ័​ន្ត ខណ្ឌ​ពោធិ​សែន​ជ័យ និង​មួយកន្លែង​ទៀត​នៅ​តំបន់​ភ្លើងស្តុប​នាង គ​ង្ហី​ង ខណ្ឌ៧មករា៕