មិនធម្មតា! និស្សិតខ្មែរម្នាក់ទៀត ត្រូវបានសភាវិស្វកម្មថៃជ្រើសជានិស្សិតឆ្នើម ព្រមទាំងទទួលបានមេដាយមាសពីព្រះមហាក្សត្រថៃថែមទៀត

ភ្នំពេញ: និស្សិត​ខ្មែរ​ម្នាក់ទៀត​ឈ្មោះ ព្រុំ លី​ផេង ត្រូវបាន​សភា​វិស្វកម្ម​ប្រទេស​ថៃ​សម្រេច​ជ្រើស​រើសយក​ជា​និស្សិត​ឆ្នើម ព្រមទាំង​បានទទួល​មេដាយមាស ដែល​ប្រទាន​ដោយ​ព្រះមហាក្សត្រ​ថៃ​ថែមទៀត ខណៈ​និស្សិត​ឈ្មោះ ហុង ភា​រិ​ន បាន​បញ្ចេញ​សមត្ថភាព​ក្នុង​កម្មវិធី Super 100 បាន​ចាក់ផ្សាយ​រួចរាល់​ហើយ​នៅក្នុង​ប៉ុស្តិ៍​ទូរទស្សន៍​ថៃ Workpoint ល្បី​ពេញ​ហ្វេ​ស​ប៊ុ​ក។

តាម​ហ្វេ​ស​ប៊ុ​ក​ឈ្មោះ Cambodian Student Associations of Chaiyaphum Rajabhat University- CSA CPRU បានបង្ហាញ​ឲ្យ​ដឹងថា៖ «អបអរសាទរ​ដល់​និស្សិត​កម្ពុជា​យើង ព្រុំ លី​ផេង អតីត​និស្សិត​អាហារ​រូបករណ៍​ព្រះរាជទាន​នៃ​សាកលវិទ្យាល័យ Chaiyaphum Rajabhat University ដេ​ប៉ា​តេ​ម៉​ង់​វិស្វកម្ម​ផ្នែក Production Engineering ដែល​ត្រូវបាន​សភា​វិស្វកម្ម​ប្រទេស​ថៃ​ជ្រើសរើស​ជា​និស្សិត​ឆ្នើម និង បាន​ចូលគាល់​ព្រមទាំង​ទទួលបាន​មេដាយមាស​ដែល​ប្រទាន​ដោយ​ព្រះមហាក្សត្រ​ថៃ​នា​ឯ​ព្រះបរមរាជវាំង ទីក្រុង​បាងកក ប្រទេស​ថៃ កាលពី​ឆ្នាំ​កន្លងទៅ»។

ព្រុំ លីផេង ទទួលបានមេដាយមាសពីព្រះមហាក្សត្រថៃ
ព្រុំ លីផេង ទទួលបានមេដាយមាសពីព្រះមហាក្សត្រថៃ

ទន្ទឹមនឹងនេះ និស្សិត​ខ្មែរ​ម្នាក់ទៀត​ឈ្មោះ ហុង ភា​រិ​ន ដែល​ទទួលបាន​អាហារ​រូបករណ៍​ព្រះរាជទាន​ប្រចាំ​សាកលវិទ្យាល័យ​រ៉ា​ឆា​ផាត់​ឆៃ​យ៉ា​ភូមិ ត្រូវបាន​កម្មវិធី Super 100 បាន​ចាក់ផ្សាយ​នៅក្នុង​ប៉ុស្តិ៍​ទូរទស្សន៍​ថៃ Workpoint ស្ដីពី​ការបង្ហាញ​សមត្ថភាព​ដ៏​អស្ចារ្យ។

និស្សិត​ ហុង ភា​ រិ​ន ក្នុងកម្មវិធី Super 100
និស្សិត​ ហុង ភា​ រិ​ន ក្នុងកម្មវិធី Super 100

ដោយ​ភាគី​ថៃ​បាន​ប្រែ​ចំណងជើង​វីដេអូ​នេះ​ជា​តួអក្សរ​ខ្មែរ ហើយ​ផុស​នៅក្នុង​យូ​ធូប និង​អធិប្បាយ​ជា​ភាសា​ខ្មែរខ្លះៗជូន​បងប្អូន​ខ្មែរ​ថា នេះ​ជា​មោទនភាព​សម្រាប់​កូន​ខ្មែរ​មួយរូប​ដែល​បាន​ឲ្យ​ជនជាតិ​ដទៃ​បាន​ស្គាល់​ខ្មែរ និង​មោទនភាព​សម្រាប់​និស្សិត​ដែល​សិក្សា​នៅ​សាកលវិទ្យាល័យ​រ៉ា​ឆា​ផាត់។

ព្រុំ លី​ផេង
ព្រុំ លី​ផេង

ក្នុង​កម្មវិធី​បានដាក់​វិញ្ញាសារ​ទី១-កម្មវិធី​តម្រូវ​ឲ្យ ភា​រិ​ន ចាំ​តួលេខ ៣០ ខ្ទង់​ខុសគ្នា​ក្នុង​រយៈពេល ៣០វិនាទី ហើយ​ភា​រិ​ន អាន​តួលេខ​ទាំង ៣០ខ្ទង់​ទៅកាន់​គណៈកម្មការ វិញ្ញាសារ​ទី២-កម្មវិធី​ផ្តល់​សន្លឹក​បៀ​ចំនួន ៥២សន្លឹក ដោយមាន​តួលេខ​សម្គាល់​នៅ​ខាងលើ​គ្រប់​សន្លឹក បន្ទាប់មក ភា​រិ​ន ត្រូវ​បិទ​ភ្នែក ហើយ​ឆ្លើយតប​ថា តើ​ជា​សន្លឹក​បៀ​អ្វី​សម្រាប់​តួលេខ​ដែល​គណៈកម្មការ​ផ្តល់​ឲ្យ និង​វិញ្ញាសារ​ទី៣-គណៈកម្មការ​ប្រាប់​ឆ្នាំ សប្តាហ៍​ទី​ប៉ុន្មាន​នៃ​ខែ ថ្ងៃ​អ្វី (ច័ន្ទ-អាទិត្យ) ភា​រិ​ន ត្រូវ​តប​ថា ជា​ថ្ងៃទី​ប៉ុន្មាន មិន​ថា​ជា​អតីតកាល ឬ​អនាគត៕