អាជ្ញាធរប្រកាសផ្អាកចរាចរណ៍បណ្ដោះកំណាត់ផ្លូវជាតិលេខ៧៣​ (ឆ្លូង-ក្រចេះ)

ក្រចេះ៖ ម្សិលមិញនេះ រដ្ឋាភិបាលខេត្តក្រចេះបានចេញសេចក្ដីប្រកាស ឲ្យប្រជាពលរដ្ឋដែលត្រូវធ្វើដំណើរឆ្លងកាត់តាមកំណាត់ផ្លូវជាតិលេខ​ ៧៣​ (ឆ្លូង-ក្រចេះ) ក្នុងភូមិសាស្រ្តស្រុកចិត្របុរី​ ខេត្តក្រចេះ​ ត្រូវផ្អាកការធ្វើដំណើរសិន ខណៈទឹកទន្លេមេគង្គបានជន់ឡេីងខ្ពស់ជាបន្តបន្ទាប់ផុតកម្រិតកម្ពស់ប្រុងប្រយ័ត្ន​ និងបានជន់លិច កំណាត់ផ្លូវនេះទាំងស្រុក។

 

រដ្ឋាភិបាលខេត្តបាន បញ្ជាក់ថា ដេីម្បីការពារសុវត្ថិភាពដល់ការធ្វេីដំណេីរ​ និងបញ្ជៀសគ្រោះថ្នាក់ដែលកេីតឡេីងជាយថាហេតុ​ សូមយានយន្តគ្រប់ប្រភេទផ្អាកការធ្វេីចរាចណ៍​ឆ្លងកាត់តាមកំណាត់ផ្លូវជាតិលេខ៧៣​ (ឆ្លូង-ក្រចេះ) ចាប់ពីល្ងាចថ្ងៃទី០៧​ ខែកញ្ញា​ ឆ្នាំ២០១៩​ នេះតទៅរហូតដល់ទឹកស្រកមានស្ថានភាពប្រសេីរវិញ៕