ទិន្នផលត្រីទឹកសាបនៅ​ឆ្នាំ២០២០ ធ្លាក់ចុះប្រមាណ ២០ភាគរយ ដោយសារភាពរាំងស្ងួត

ភ្នំពេញ៖ មន្រ្តីជំនាញនៃក្រសួងកសិកម្ម រុក្ខាប្រមាញ់និងនេសាទ បានបង្ហាញក្ដីបារម្ភជុំវិញការថមថយទិន្នផលត្រីទឹកសាប​សម្រាប់ឆ្នាំ២០២០នេះ បើប្រៀបធៀបឆ្នាំ២០១៩ ខណៈឆ្នាំនេះទិន្នផលត្រីធ្លាក់ចុះប្រមាណ ២០ភាគរយ ដោយសារកត្កា​​ប្រែ​ប្រួល​អា​កាសធាតុ។

លោក អ៊ុច វត្ថា ប្រធាននាយកដ្ឋានកិច្ចការរដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទបានប្រាប់​ឱ្យដឹងថា ទិន្នផលត្រីទឹកសាបនៅឆ្នាំ២០២០មានការធ្លាក់ប្រមាណ ២០ភាគរយ បើប្រៀបធៀនទៅនឹងឆ្នាំ២០១៩កន្លងទៅ។ លោក​បាន​បង្ហាញក្ដីបារម្ភពីការ​ធ្លាក់ចុះនេះ ដោយជំរុញឱ្យសមត្ថកិច្ចជំនាញ និងអ្នកពាក់ព័ន្ធចូលរួមទប់ស្កាត់បទល្មើសនេសាទ។

លោកបន្តថា ការធ្លាប់ចុះទិន្នផលនេះ ដោយសារវាមានភាពរាំងស្ងួតអូសបន្លាយ​យូខែ​ពេក ដូច្នេះ​ធ្វើឱ្យបឹង​បួរមួយចំនួន​រីង​ស្ងួត ហើយទើបតែមានភ្លៀងចុងខែ៩នេះទេ វារាំងពីមុនមកធ្វើឲ្យបាត់បង់កន្លែងជម្រកត្រី វាធ្វើឱ្យមានបញ្ហាបន្តិច ដោយ​សា​រ​ទិ​ន្នផលត្រីឆ្នាំ២០២០នេះ។

មន្រ្តីជំនាញនៃ​ក្រសួងកសិកម្ម នឹងបន្តជំរុញឱ្យប្រជាកសិករចិញ្ចឹមត្រីឱ្យបានច្រើនបន្ថែមទៀត ដើម្បីឆ្លើយតបទៅនឹង​តម្រូវ​ការ​ហូបចុករបស់ប្រជាពលរដ្ឋនៅក្នុងប្រទេស ដោយចៀលវាងការនាំចូលពីបរទេសច្រើន​។

គួរបញ្ជាក់ថា ផលនេសាទត្រីទឹកសាបប្រចាំឆ្នាំ២០២០មានចំនួន ៩,៩០០តោន បានធ្លាក់ចុះ ២០ភាគរយ បើធៀប​នឹង​ផ​ល​នេសាទឆ្នាំ ២០១៩ ដែលមានចំនួន ១៤,៣២០ តោន៕