ដើមឈើ ៣ ដើមដែលមានអាយុជាង ៣០០ ឆ្នាំ ត្រូវបានអភិបាលក្រុងភ្នំពេញហាមមិនឱ្យ​កាប់

ភ្នំពេញ៖ អភិបាលរាជធានីភ្នំពេញលោក ឃួង ស្រេង នៅថ្ងៃទី ១២ ខែមករានេះ​បានហាមមិនឱ្យមន្រ្តីជំនាញ និងអាជ្ញាធរ​កា​ប់​ដើមឈើចំនួន ៣ ដើម ដែលមានអាយុកាលជាង ៣០០ ឆ្នាំដែលស្ថិត​នៅតាម​បណ្តោយ​សួនផ្លូវភ្លោះ​នៅមុ​ខម​ន្ទីរ​ពេទ្យ​អង្គដួង ឬសួនកាណាឌីយ៉ា ស្ថិតក្នុងខណ្ឌដូនពេញ ​រាជធានីភ្នំពេញ ដើម្បីឱ្យទីក្រុងក្លាយជាទីក្រុងបៃតង និង​បរិស្ថានល្អ។

លោក ឃួង ស្រេង បានបញ្ជាក់ក្នុង​ការចុះពិនិត្យមើលស្ថានភាពដើមឈើទាំង​ ៣ដើមជាក់ស្តែង​ថា ការសម្រេច​ឱ្យរក្ស​ទុ​ក​នេះ​ បន្ទាប់ពីពិនិត្យឃើញថាដើមឈើទាំង៣ដើមនេះអាចនៅបន្តឈរទៀតបាន។ លោកបាន​ប្រាប់ឱ្យមន្ទីរបរិស្ថាន មន្ទីរ​ក​សិ​កម្ម និងមន្ទីរសាធារណការ និងដឹកជញ្ជូនរាជធានីភ្នំពេញ សហការគ្នាមើលថែ ដោយធ្វើបានត្រឹមតែលះមែក ឬកា​ត់​មែ​ក​ដែ​ល​ស្អុ​យចេ​ញបាន ចំណែកដើមឈើទាំងមូលត្រូវធ្វើជើងទម្រទប់ដើម ដើម្បីកុំអោយរំលំបង្កគ្រោះថ្នាក់ដល់ប្រជាពលរដ្ឋ។

លោក ឃួង ស្រេងថ្លែងថា៖ «សម្រាប់នៅក្នុងរាជធានីភ្នំពេញ គឺគ្មានការកាប់ដើមឈើណាមួយយកចេញនោះទេ ប៉ុន្តែ​អា​ជ្ញា​ធ​រមានតែដាំដើមឈើថ្មីបន្ថែម ដើម្បីឱ្យទីក្រុងភ្នំពេញ ក្លាយជាទីក្រុងមានពណ៌បៃតង និងមានបរិស្ថានល្អ»។

​​លោក សំ សាមុត ប្រធានអង្គភាពសួនច្បារ និងរុក្ខជាតិនៃមន្ទីរសាធារណការ និងដឹកជញ្ជូនរាជធានីភ្នំពេញកាលពីថ្ងៃទី ៨ ខែមករា បានឱ្យដឹងថា អាជ្ញាធរាជធានីភ្នំពេញ ដោយមានការឯកភាពពីក្រសួងកសិកម្មរុក្ខាប្រមាញ់និងនេសាទ បាន​សម្រេ​ចកាត់​បានយកចេញនូវដើមឈើចំនួន ៣ ដើមនេះ ហើយដាំដើមឈើថ្មីជំនួសវិញ។

លោក​ថា ដើមឈើធំៗនៅសួនផ្លូវភ្លោះកាណាឌីយ៉ាមុខពេទ្យព្រះអង្គឌួង មានចំនួនប្រមាណ៥០ដើម  ដោយក្នុងនោះ ដើម​ឈើ​​ធំៗចំនួន ៣ ដើមនេះមានសភាពពុកគល់ ប្រហោងក្នុងដែ​លអាចនឹងប​ង្កឱ្យមាការគ្រោះ​ថ្នាក់ដល់ប្រជាពលរដ្ឋ​ជាអ្ន​កដំ​ណើ​រជា​យថាហេតុណាមួយកើតឡើង៕