ចង់បំបាត់ក្លិនមិនល្អក្រោយសម្រាលកូនរួច តើត្រូវធ្វើយ៉ាងណា?

ជា​ទូទៅ​ក្រោយ​ពេល​ស្រ្ដី​សម្រាល​កូន​រួច បញ្ហា​មួយ​ដែល​អ្នក​ម្ដាយ​ជា​ច្រើន​ជួប​ប្រទះ គឺ​បញ្ហា​ក្លិន​មិន​ល្អ (ក្លិន​ឆ្អាប​) ដែល​កើត​ចេញ​ពី​ទឹកដោះ និង​ឈាម​ក្រោយ​សម្រាល​។  ជាមួយ​នឹង​បញ្ហា​នេះ បង​ៗ​ស្ត្រី​ជា​ច្រើន​បាន​ចោទ​ជា​សំណួរ​ថា តើ​យើង​គួរ​ធ្វើ​យ៉ាង​ណា ដើម្បី​បំបាត់​ក្លិន​ទាំង​នោះ​?

ចម្លើយ គឺ​ងាយ​ស្រួល និង​សាមញ្ញ​បំផុត នោះ​គឺ​ស្លឹកគ្រៃ​។ ស្លឹកគ្រៃ​ជា​ឱសថ និង​គ្រឿង​សម្រា​ប់​ធ្វើម្ហូប​ដែល​ខ្មែរ​យើង​ប្រើប្រាស់​ក្នុង​ជីវភាព​យ៉ាង​ពេញ​និយម។ រុក្ខជាតិ​ប្រភេទ​នេះ បាន​ដើរតួ​យ៉ាង​សំខាន់ ក្នុង​ការ​បំបាត់​ក្លិន​ឆ្អាប​ផ្សេងៗ និងប្រើ​ជា​គ្រឿង​សម្រាប់​ផ្សំ​នឹង​សម្ល​បង្កើត​រសជាតិ​យ៉ាង​ឈ្ងុយឆ្ងាញ់​។

ដើម្បី​បំបាត់​ក្លិន​មិន​ល្អ​ក្រោយ​ពេល​សម្រាល​កូន​រួច បង​ៗ​ស្ត្រី​ត្រូវ​ស្លឹកគ្រៃដាំ​ងូតទឹក​ពីរ​ថ្ងៃ​ម្ដង ឬ​រៀង​រាល់​ថ្ងៃ​ក៏​កាន់​តែ​ប្រសើរ។  ក្លិន​ក្រអូប​របស់​ស្លឹកគ្រៃ បាន​ជួយ​ឱ្យ​ស្ត្រី​ប្រសូត​បុត្រ​រួច មាន​អារម្មណ៍​ស្រាល​ខ្លួន​។ សម្រាប់​វិធី​ធ្វើ គឺ​ត្រូវ​យក​ស្លឹកគ្រៃ​មួយ​ក្ដាប់ (ទាំងស្លឹក ទាំងគល់) លាយ​អំបិល​បន្ដិច រួច​ដាំឲ្យ​ពុះ ដោយ​លាយ​ជាមួយ​ទឹក​ត្រជាក់​សម​ល្មម ដើម្បី​ឲ្យ​ទឹក​នៅ​សីតុណ្ហភាព​ក្ដៅអ៊ុន​ៗ៕