បើយោងតាមវើបសាយ infonet របស់វៀតណាមចុះផ្សាយកាលពីថ្ងៃទី ២៤ បានបង្ហាញមុខនារីវ័យ ២៤ឆ្នាំ ដោយសារខូចមុខមាត់ទាំងស្រុង។ មូលហេតុដោយដំបូកគឺចង់បានមុខស ក៏សម្រេចចិត្តទិញផលិតសម្អាង ដើម្បីប្តូរសម្រស់ពីខ្មៅទៅសបានឆាប់រហ័ស។
ដោយសារតែមានការណែនាំពីមិត្តភ័ក្ដិ ព្រមទាំងមានស្បែកមុខខ្មៅផងដែរ នោះ ក៏សម្រេចចិត្តប្រើផលិតផល ដើម្បីអោយស្បែកសលឿន។ ក្រោយលាបបានមួយរយៈ ក៏ឃើញស្បែកឡើងរឹងគ្រើម ចម្លែកខុសធម្មតា។ នៅពេលដែលនាងបានទៅដល់គ្លីនិកព្យាបាល ហើយអ្នកជំនាញបានប្រាប់ថា ស្បែករបស់នាងកំពុងតែមានប្រតិកម្ម ត្រូវលេបថ្នាំទើបអាចជាសះស្បើយ។
ផលិតផលដែលគ្មានស្តង់ដារត្រឹមត្រូវ អាចឃើញលទ្ធផលស្អាតមួយឆាវ ប៉ុន្តែអ្នកនឹងមានហានិភ័យខ្ពស់ទៅថ្ងៃមុខ។ ហេតុនេះហើយ វេជ្ជបណ្ឌិតសើស្បែក Linh បានបញ្ជាក់យ៉ាងច្បាស់ថា ការប្រើប្រាស់គ្រឿងសម្អាង ដែលគ្មានប្រភពច្បាស់លាស់ គ្មានរូបមន្តឬសារធាតុផ្សំតាមក្បួនខ្នាត ឮតៗគ្នា ចង់ស្អាតភ្លាមៗពេក អ្នកនឹងបំផ្លាញស្បែកដោយមិនដឹងខ្លួន។
ស្បែកមុខ ជាផ្នែកមួយដែលងាយប្រតិកម្មបំផុត កុំចេះតែប្រើនេះនោះផ្ដេសផ្ដាស។ គួរជ្រើសរើស ក្រុមហ៊ុនដែលល្បីឈ្មោះ ឬមានយីហោដែលត្រូវបានទទួលស្គាល់ពិតប្រាកដ មិនមែនជឿតែអ្នកលក់និយាយឲ្យតែរួចពីមាត់នោះទេ៕
