កាលពីពេលថ្មីៗកន្លងទៅនេះ ដូចដែរប្រិយមិត្តបានទទួលជ្រាបរួចមកហើយថា សាលិក បានទទួលអាហារូបករណ៍ ចេញទៅរៀននៅសាលាភាសាបរទេស ហៃលាំងជេជាំង (Zhejiang Hailiang Foreign Language School) ប្រទេសចិន។
ដែលអាហារូបករណ៍នេះ គឺក្រោមការជួយពីលោក ហ្វេង ហៃលាំង (Feng Hailiang) ជាប្រធានក្រុមហ៊ុន Hailiang Group ។
យ៉ាងណាមិញ សាលិក ក្រោយពីបានចេញទៅរៀននៅសាលាភាសាបរទេសអស់មួយរយៈពេលរួចមក នៅថ្ងៃនេះ សាលិក បានមកដល់ប្រទេសខ្មែរយើងវិញហើយ នេះបើតាមការបញ្ជាក់តាមរយៈ គណនីហ្វេសប៊ុករបស់លោក K01 ដែលបានធ្វើការផ្សព្វផ្សាយនៅមុននេះបន្តិច។ជាមួយគ្នានេះដែរ លោក K01 ក៏បានមានការលើកឡើង ដោយមានការរៀបរាប់យ៉ាងដូច្នេះថា៖ «សូមស្វាគមន៍ក្មួយប្រុស សាលិក មកដល់ប្រទេសខ្មែរយើងវិញហើយ សាលិក បាននិយាយថា បើគ្មានប្រិយមិត្តពុកម៉ែបងប្អូនទេ គាត់មិនបានមកដល់ពេលនេះដែរ ពិតជាក្មេងល្អមែន»។
សូមជម្រាបផងដែរថា ក្នុងដំណើរវិលត្រឡប់មកកាន់ប្រទេសកំណើតវិញនោះ ក្រោយពីសាលារៀននៅប្រទេសចិន បានដល់ថ្ងៃវ៉ាកង ដែលតម្រូវឲ្យសិស្សានុសិស្សទាំងអស់មានការឈប់សម្រាកមួយរយៈពេលខ្លី។ ដើម្បីជ្រាបឲ្យកាន់តែច្បាស់ សូមប្រិយមិត្តរីករាយទស្សនានូវឃ្លីបវីដេអូដែលជាកិច្ចសម្ភាសន៍របស់លោក K01 ដូចតទៅ។
ប្រភព៖ ហ្វេសប៊ុក
