រាជធានីភ្នំពេញ៖ ថ្មីៗនេះ ក្រសួងសុខាភិបាលនៃព្រះរាជាណាចក្រកម្ពុជា បានចេញលិខិតហាមឃាត់ដល់ក្រុមហ៊ុន និងផេកហ្វេកប៊ុកមួយចំនួនដែលកំពុងធ្វើការផ្សព្វផ្សាយលក់ផលិតផលឱសថគ្មានច្បាប់អនុញ្ញាត និងការត្រួតពិនិត្យបញ្ជីការត្រឹមត្រូវពីក្រសួង ដែលនាំឲ្យអ្នកប្រើប្រាស់អាចមានបញ្ហាក្រោយទិញទៅប្រើប្រាស់។
បានចេញជូនដំណឹងនេះ ក្រសួងសុខាភិបាលស្នើឲ្យប្រជាពលរដ្ឋត្រូវប្រុងប្រយ័ត្ន និងឈប់ទិញ និងប្រើប្រាស់ឱសថនូវផេកចំនួនពីរ គឺព្យាបាលក្រពះ STOMACH និង AusVit Cambodia ព្រោះវាអាចបង្កជាបញ្ហាដល់សុខភាពបាន។ ជាមួយនឹងគ្នានេះ ក្រសួងសុខាភិបាលនៃព្រះរាជាណាចក្រកម្ពុជា ក៏ក៏តម្រូវឲ្យក្រុមហ៊ុន និងផេកហ្វេសប៊ុកទាំងនោះត្រូវបញ្ចប់ភ្លាមៗនូវគ្រប់សកម្មភាពលក់ និងផ្សព្វផ្សាយគ្រប់រូបភាព ព្រោះថាការផ្សព្វផ្សាយទាំងនោះ កំពុងភូតកុហក់ បោកប្រាសខុសការពិត។
ជាមួយគ្នានេះ ក្រសួងក៏សុំឲ្យពលរដ្ឋទាំងទំនាក់ទំនងមកកាន់ក្រសួងប្រសិនបើឃើញមានមានលក់ ឬផ្សព្វផ្សាយផលិតផលខាងលើទីផ្សារ តាមរយៈលេខ ០១១ ៥៧៤ ៧៨៧ និង ០១២ ៩៨៣ ៣៣៕
