ឡូយ! ឱកាសការងារ ៦៧៨ កន្លែង កាន់តែ CV អាចចូលសម្ភាសបានភ្លាមៗនៅថ្ងៃទី ២៥ កក្កដា នេះ

ភ្នំពេញ៖ ជា​ដំណឹង​ល្អ​សម្រាប់ប្អូនៗ សិស្ស-និស្សិត ដែល​កំពុង​ស្វែងរក​ការងារ និង​ចង់​ផ្លាស់ប្តូរ​ការងារ​ថ្មី បានមក​ដល់​ហើយ​ជាមួយនឹង​ឱកាស​ការងារ​ជិត ៧០០ កន្លែង មកពី​ក្រុមហ៊ុនធំៗ ១១ នៅ​កម្ពុជា គ្រាន់​តែមាន CV ក្នុង​ដៃ ហើយ​ចូលទៅ​ដាក់ពាក្យ នៅតាម​ក្រុមហ៊ុន​ដែល​បម្រើការ នោះ​នឹង​ទទួលបាន​ការសម្ភាសភ្លាម។

ក្រសួង​ការងារ​និង​បណ្តុះបណ្តាល​វិជ្ជាជីវៈ ប្រកាស​ឲ្យ​ដឹងថា នៅ​ថ្ងៃទី ២៥ ខែកក្កដា ឆ្នាំ ២០១៩ នេះ ក្រសួង​នឹង​រៀបចំ​វេទិកា​ការងារ សម្រាប់​សិស្ស/និស្សិត និង​អ្នក​កំពុង​ស្វែងរក​ការងារ​ធ្វើ។ សិស្ស/និស្សិត គ្រាន់តែ​ត្រៀម​ប្រវត្តិរូប​សង្ខេប (CV) ហើយ​ចូលរួម​ដាក់ពាក្យ​ផ្ទាល់ ដើម្បីសម្ភាស​ផ្ទាល់​ជាមួយ​អ្នកតំណាង​មកពី​បណ្តា​ក្រុមហ៊ុនទាំងនោះជាការស្រេច។

សម្រាប់​វេទិកា​ការងារ ថ្ងៃទី២៥ ខែកក្កដា ឆ្នាំ២០១៩ នឹងចាប់ពី​ម៉ោង ០៨:០០ព្រឹក ដល់​ម៉ោង០៥:០០ល្ងាច ដោយមានក្រុមហ៊ុនចូលរួមដូចជា៖ ក្រុមហ៊ុន AEON Specialized Bank Cambodia, AEON Cambodia , Makro Cambodia, ONLINE ISP Cambodia, Manulife Cambodia, AMK Microfinance Institution Plc., URBAN HUB (CAMBODIA) CO., LTD, LMM Distribution Co.,Ltd, 103 New Production Co.,Ltd, Ly Hour Veluy , Olympia City Hotel នឹងចូលរួម​ជ្រើសរើស​បុគ្គលិក នៅក្នុង​កម្មវិធី​វេទិកា​ការងារ​ប្រចាំ​ខែកក្កដា នៅក្នុង​មជ្ឈមណ្ឌល​ការងារ​រាជធានី​ភ្នំពេញ ស្ថិតនៅក្នុង​ក្រសួង​ការងារ និង​បណ្តុះបណ្តាល​វិជ្ជាជីវៈផ្ទាល់។

ព័ត៌មានបន្ថែម ចំពោះដំណឹងដ៏ល្អនេះ ប្អូនៗសិស្ស/និស្សិត អ្នកស្វែងរក​ការងារ​ធ្វើ និយោជក ព្រមទាំង​ប្រជាពលរដ្ឋ​កម្ពុជា​ទាំងអស់​ដែល​កំពុង​ស្វែងរក​ការងារ​ធ្វើ ឬ​ត្រូវការ​បទពិសោធន៍​ស្វែងរក​ការធ្វើ អាចទាក់ទងតាមរយៈ​លេខ​ទូរស័ព្ទ ០១៦ ៧៨៦ ៦៥៥ ឬ​គេហទំព័រ​របស់​ទីភ្នាក់ងារ​ជាតិ​មុខរបរ និង​ការងារ  www.nea.gov.kh  និង​ទំព័រ facebook neakhmer (អិន​អ៊ី​អេ ខ្មែរ) ដោយ​ងាយស្រួល៕