ទុក្ខជាន់ទុក្ខ! ថាមកសម្តែងល្ខោនរកថវិកាផ្គត់ផ្អង់ក្រុម មិនទាន់បានសម្ដែងផង ចោរលួចម៉ូតូបាត់

ភ្នំពេញ៖ ថាមកសម្ដែងល្ខោន ដើម្បីស្វែងរកថវិកាជួយ​ផ្គត់​ផ្អង់​ក្រុម​ល្ខោន​ដែល​កំពុង​ខ្វះខាត អកុសល កំពុងត្រៀមឡើងសម្ដែងដោយទុកម៉ូតូនៅក្រោយឆាក ​ត្រូវចោរ​លួច​លួច​យក​ម៉ូតូ​ទៅបាត់ សល់​តែ​ទឹក​ភ្លែក យំបណ្ដើរដាក់ពាក្យរៀបរាបបណ្ដើរនៅមុនប៉ូលិស។

ហេតុការនេះ បានកើតឡើងកាលពីថ្ងៃទី ១៨ ខែកក្កដា ឆ្នាំ ២០១៩ ម្សិលមិញនេះ នៅ​ភូមិ​ព្រៃ​ល្វា សង្កាត់​ចោមចៅ​ទី២ ខណ្ឌ​ពោធិ៍​សែន​ជ័យ រាជធានី​ភ្នំពេញ។ ជនរងគ្រោះ​មានឈ្មោះ ជី​ម សុធា​រី ភេទ​ប្រុស អាយុ ២០ឆ្នាំ ជា​សិល្បករ​ល្ខោនបាសាក់ មាន​ស្រុកកំណើត​នៅ ភូមិ​ស្វាយ​អាត់​លើ ឃុំ​ព្រែ​កតា​មាក់ ស្រុក​ខ្សាច់កណ្ដាល ខេត្តកណ្ដាល ដោយត្រូវឡើងមក​សម្តែង​ល្ខោនបាសាក់​នៅ​ភូមិ-ឃុំ​កើតហេតុ​ខាងលើនេះ បានរយៈ​មួយ​សប្តាហ៍​មកហើយ ដើម្បី​រៃអង្គាស​ថវិកា​ផ្គត់ផ្គង់​ក្រុម​ល្ខោន​ដែល​កំពុង​ខ្វះខាត។

តួឯកល្ខោន​បាសាក់​ដែល​រងគ្រោះ​ត្រូវ​ចោរលួច​យក​ម៉ូតូ​បាន​បាននិយាយថា លោក​មាន​តែ​ម៉ូតូ​មួយ​គ្រឿងហ្នឹង ដើម្បីជិះ​ ឥឡូវចោរលួចបាត់ទៀត។ ជាមួយគ្នានេះ លោកសូមឲ្យបងប្អូន ជួយរកផង ក្រែងប្រទះភ្នែកនៅទីណា ដោយ ម៉ូតូ​ដែល​បាត់​ម៉ាក​ Honda Dream ១២៥ ស៊េរី​ឆ្នាំ ២០១៥ ពណ៌​ខ្មៅ ពាក់​ស្លាក​លេខ​ភ្នំពេញ​ ១CZ-៨៨៥៧៕