ដឹងហើយ! ក្រុមហ៊ុមចិន ដែលមានភាគហ៊ុនខ្មែរ ជាអ្នកនាំសំរាម ៨៣ កុងទឺន័រនោះមក

ភ្នំពេញ៖ រឿងសំរាម ៨៣ កុង​ទឺ​ន័​រ ដែលត្រូវគេផ្លុងចោលកាលពីប៉ុន្មានមុន ពេលនេះបានដឹងរឿង​ច្បាស់​ហើយ គឺក្រុមហ៊ុមចិន ដែលមានភាគហ៊ុនខ្មែរ ជាអ្នកនាំមក។ នេះ បើតាមការបញ្ជារបស់​លោក គុណ ញឹម ប្រតិភូ​រាជរដ្ឋាភិបាល ទទួលបន្ទុក​ជា​អគ្គនាយក នៃ​អគ្គនាយកដ្ឋាន​គយ និង​រដ្ឋាករ នៅ​រសៀល​ថ្ងៃទី១៩ ខែកក្កដា ឆ្នាំ២០១៩ នេះ។

លោក គុណ ញឹម បានឲ្យ​ដឹងថា បន្ទាប់ពី​ការស្រាវជ្រាវ​សមត្ថកិច្ច​បាន​រកឃើញ​ថា ក្រុមហ៊ុន​ចិន និង​មាន​ភាគហ៊ុន​ខ្មែរ​ដែល​កំពុង​ធ្វើ​អាជីវកម្ម​នៅ​ប្រទេស​កម្ពុជា ជា​អ្នក​នាំចូល​សំរាម​ប្លា​ស្ទិ​ក ទាំង ៨៣ កុង​ទឺ​ន័​រ ទម្ងន់​ប្រមាណ១,៦០០តោន មកពី​សហរដ្ឋអាមេរិក និង​ប្រទេស​កាណាដា។

លោក គុណ ញឹម បានបញ្ជាក់​យ៉ាង​ដូច្នេះ​ថា «ក្រុមហ៊ុន​ចិន និង​មាន​ភាគហ៊ុន​ខ្មែរ​ខ្លះ ដែលជា​ក្រុមហ៊ុន​នាំចូល​សំរាម​ទាំងអស់នេះ​ឈ្មោះ Chungyuen ហើយ​សប្តាហ៍​ក្រោយ ខ្ញុំ​នឹង​កោះហៅ​ភាគី​ក្រុមហ៊ុន​មក​សាកសួរ ដើម្បី​ធ្វើការ​ផាកពិន័យ និង​បញ្ជា​ឲ្យ​ដឹកជញ្ជូន​ត្រឡប់​ទៅ​ប្រទេស​ដើម​វិញ»