ខ្លាំងមែន៖ លោក គួច ចំរើន ឆ្មក់បង្ក្រាបក្លឹបមួយដោយផ្ទាល់ទាំងយប់ ចាប់ខ្លួនមនុស្សជាង ១៥០ នាក់

ព្រះសីហនុ៖ មនុស្ស​ចំនួន ១៥០នាក់ ក្នុងនោះ​ភាគច្រើន​ជា​ជន​ជាតិចិន ត្រូវបាន​កម្លាំង​គណៈបញ្ជាកា​រ​ឯកភាព​ខេត្ត​ព្រះ​សីហនុ ដឹកនាំ​ដោយ​លោក គួច ចំរើន អភិបាលខេត្ត​ព្រះសីហនុ បាន​បើក​ប្រតិបត្តិការ​ចុះបង្ក្រាប​ករ​ណី​ជួញដូរ

និង​ប្រើប្រាស់​ថ្នាំ… នៅក្នុង​ខារ៉ាអូខេ «អូ​ប៉ា​ម៉ា KTV» នៅវេលា​ម៉ោង៣ទាបភ្លឺ ថ្ងៃទី២៥ ខែកក្កដា​នេះ។

លោក​ឧ​ត្ត​ម​សេនីយ៍​ទោ ជួន ណា​រិន្ទ ស្នងការ​នគរបាល​ន​គ​របាល​ខេត្ត​ព្រះសីហនុ​បាន​ថ្លែងថា កិច្ចប្រតិបត្តិការ​នេះ ដឹកនាំ​ផ្ទា​ល់ពី​លោក​អភិបាលខេត្ត​ព្រះសីហនុ ក្រោម​ការសម្របសម្រួល​ពី​តំណាង​អយ្យការ​អម​សាលាដំបូង​ខេត្ត ដោយ​ចុះបង្ក្រាប​នៅវេលា​ម៉ោង៣ទាបភ្លឺ ថ្ងៃទី២៥ ខែកក្កដា ឆ្នាំ២០១៩នេះ។
លោក​បន្តថា កម្លាំង​ជំនាញ​បាន​ឃាត់ខ្លួន​មនុស្ស១៥០នាក់ ស្រី៤៨នាក់ ដែល​មនុស្ស​ទាំងអស់នេះ៩៥ភាគរយ ជា​ជន​ជាតិចិន។ «ក្នុង​រង្វង់​ប្រតិបត្តិការ​ណេះ បាន​ដកហូត ជ្រុ​ញ​សម្រាប់ ប្រើ​គ្រឿង… ចំនួន៣៥ជ្រុ​ញ និង​គ្រឿង… ប្រភេទ Ketamin មួយចំនួនធំ​ផងដែរ»។

លោក​ឧ​ត្ត​ម​សេនីយ៍​ស្នងការ​បាន​បញ្ជាក់ថា មនុស្ស​ទាំង១៥០នាក់​ដែល​ត្រូវបាន​ចាប់ខ្លួន​នេះ រហូតមកដល់​ពេលនេះ​សមត្ថកិច្ច​ជំនាញ កំពុងធ្វើការ​បែក​ចែក​ឲ្យ​បានច្បាស់លាស់​រវាង​អ្នកធ្វើការ, អ្នកបម្រើ, អ្នក​ចូល​កម្សាន្ដ និង​អ្នកប្រើប្រាស់ ចែកចាយគ្រឿង……. ដើម្បី​ចាត់ការ​បន្ដ​តាម​នីតិវិធី​ច្បាប់៕