យប់​ម៉ិញ Liverpool ស៊ី Norwich City ៤-១ នៅ​ទឹក​ដី​របស់​ខ្លួន​ក្នុង​ពហុកីឡាដ្ឋាន Anfield

កាល​ពី​យប់​រំលង​អាធ្រាត្រ​ថ្ងៃទី១០ ខែ​សីហា វេលា​ម៉ោង ២ មាន​ការ​ប្រកួត​បាល់ទាត់​ជើង​ទី​១​ នៃ​ក្របខ័ណ្ឌ​បាល់ទាត់​កំពូល​អង់គ្លេស រវាង​ក្លឹប Liverpool បើ​ទ្វារផ្ទះ​ ស្វាគមន៍​ចំណូល​ថ្មី​ដែល​ទើប​ឡើង​ពី​ក្របខ័ណ្ឌ​លីក​ទី​២​របស់​អង់គ្លេស Championship ក្លឹប Norwich City។

ការ​ប្រកួត​រយៈពេល​៩០​នាទី Liverpool បានយកឈ្នះ Norwich City លទ្ធ៤-១។ គ្រាប់​ដំបូង​របស់ Liverpoolជា​គ្រាប់​បាល់​សយ​របស់​ Norwich City ដែល​កីឡាករ​ Grant Hanley បាន​ធ្វើ​ឲ្យ​ចូល​ទី​ខ្លួនឯង នៅ​នាទី​៧ គ្រាប់​ទី​ពីរ​ស៊ុត​បញ្ចូល​​ទី​ដោយ​កីឡាករ Mohamed Salah នៅ​នាទី ១៩ គ្រាប់ទី៣ ស៊ុត​បញ្ចូល​ទី​ដោយ​កីឡាករ​ Virgil Van Dijk នៅនាទី២៨ និង​គ្រាប់​ទី​បួន​ស៊ុត​បញ្ចូល​ទី​ដោយ​កីឡាករ Divock Origi នៅនាទី៤២។ ចំណែក​ឯ​ក្លឹប Norwich City អាច​រក​បាន​ត្រឹមតែ​មួយ​គ្រាប់​ប៉ុណ្ណោះ ​ស៊ុត​បញ្ចូល​ទី​នៅ​តង់ទី​២ដោយកីឡាករ Teemu Pukki នៅនទី៦៤។

​បញ្ចប់​ជុំ​ទី​១​ក្លឹប Liverpool ទទួល​៣​ពិន្ទុ​ឈរ​លើ​កំពូល​តារា​ English Premier League​បណ្ដោះអាសន្ន​ ខណៈ​ដែល​ក្រុម​ដទៃ​នឹង​ធ្វើ​ការ​ប្រកួត​នៅ​យប់​ថ្ងៃ​សៅរ៍ និង​ថ្ងៃ​អាទិត្យ​នេះ​ផងដែរ​។

ទស្សនា​វីដេអូ​ហាឡាខាងក្រោមនេះ៖