ជើង​ខ្លាំង​គុន​ខ្មែរ​ សុខ ធី ផ្តួល​កីឡាករ​ថៃ​សន្លប់ ​នៅ​ឯក​ភ្នំ​

ការ​ប្រកួត​ប្រដាល់​មិត្តភាព​កម្ពុជា​ ថៃ​ របស់​ស្ថានីយ​ទូរទស្សន៍ ETVកាល​ពី​ថ្ងៃ អាទិត្យ​ម្សិលមិញ​នេះ​ កីឡាករ​ប្រដាល់​សេរី​គុន​ខ្មែរ​របស់​កម្ពុជា​ សុខ ធី បង្ហាញ​វត្តមាន​ជា​ថ្មី​ ដោយ​ត្រូវ​ឡើង​ប្រកួត​ជា​មួយ​និង​កីឡាករ​ប្រដាល់​គុន​ថៃ​ ឡាគី ផាណាកន នៅ​លើ​សង្វៀន​ EK PHNOM Arena។

ការ​ប្រកួត​៥​ទឹក​ ប៉ុន្តែ​គូ​នេះ​ ធ្វើ​បាន​តែ​៣​ទឹក​ប៉ុណ្ណោះ​ ដោយ​ទឹកទី១និង២ កីឡាករ​ទាំង​ពីរ​សម្រុក​គ្នា​ទៅវិញ​ទៅ​មក​ តែ​ឈាន​ដល់​ទឹក​ទី​៣​ សុខ ធី វាយ​សម្រុក​យ៉ាង​ខ្លាំង​លើ​កីឡាករ​ថៃ​ ផាណាកន​ ដោយ​ប្រើ​កណ្ដាប់​ដៃ​វាយ​ធ្ងន់​ៗ​ លើ​ធុង​ទឹក​របស់​គូ​ប្រកួត​ ធ្វើឲ្យ​កីឡាករ​ថៃ​មិន​អាច​ទ្រាំ​បាន​ត្រូវ​សន្លប់​ត្រឹម​ទឹក​ទី​៣​នេះ​តែ​ម្តង​។

គួរ​បញ្ជាក់​ថា​ បច្ចុប្បន្ន​ សុខ ធី​កំពុង​តែ​ឡើង​កូត​ខ្លាំង​លើ​សង្វៀន​ក្នុង​ប្រទេស​កម្ពុជា​ ដោយ​ទទួល​បាន​ជ័យជំនះ​ប៉ុន្មាន​ប្រកួត​ជាប់​ៗ​គ្នា​៕

សូម​ទស្សនា​ការប្រកួត​របស់​សុខ ធី​ទាំងអស់​គ្នា​៖