ក្លឹប Liverpool និង ក្លឹប Man City នៅ​តែ​ជា​ក្លឹប​ខ្លាំង​ប្រជែង​គ្នា​នៅ​ EPL ២០១៩-២០

កាល​ពី​រដូវ​កាល​មុខ​នៃ​តារា​ពិន្ទុ​លីក​កំពូល​អង់គ្លេស​ English Premeir League រដូវ​កាល​ឆ្នាំ​ ២០១៨-១៩ សរុប​មាន​ចំនួន​៣៨​ប្រកួត​ ក្លឹប​ទាំង​២​ ​ប្រជែង​គ្នា​យ៉ាង​ស្វិត​ស្វែង​​រួម​មាន​​ក្លឹប​ Liverpool និង​ក្លឹប​ Man City។

ក្លឹប​ Liverpool ឈរ​លេខ២ ​រង​ជើង​ឯក​មាន​ ៩៧ពិន្ទុ និង Man City ជា​ម្ចាស់​ជ័យ​លាភី​លើក​ពាន​រង្វាន់​ EPL មាន​៩៨​ពិន្ទុ​ ពោល​ខុស​គ្នា​ត្រឹមតែ​មួយ​ពិន្ទុ​ប៉ុណ្ណោះ​។

ចូល​មក​ដល់​រដូវ​កាល​ថ្មី​ ២០១៩-២០ ក្លឹប​ទាំង​ពីរ​ខាងលើ ​នៅ​តែ​ប្រជែង​គ្នា​ដដែល​។ ក្លឹប ​Liverpool លេង​ ៤ប្រកួត ​មិន​ស្គាល់​ពាក្យ​ថា​ចាញ់មាន ១២ ពិន្ទុ​ឈរ​លេខ​១ លើ​កំពូល​តារា​បណ្ដោះអាសន្ន​ ចំណែក​ក្លឹប​ Man City ក៏​មិន​ទាន់​ស្គាល់​ពាក្យ​ថា​ចាញ់​ដែរ​ ៤ប្រកួត​ ឈ្នះ៣ ស្មើ១ មាន​ត្រឹមតែ​១០​ពិន្ទុ​តែ​ប៉ុណ្ណោះ​ឈរ​លេខ២​ ចាញ់​ពិន្ទុ​ក្លឹប​​ Liverpool ២​ពិន្ទុ​។

ខណៈ​យប់​មិញ​ក្លឹប​ខ្លាំង​ទាំង​២​ សុទ្ធ​តែ​ទទួលជ័យជំនះ​លើ​គូរ​ប្រជែង​របស់​ខ្លួន​ ដោយ​ក្លឹប Man City ឈ្នះ Brighton ៤-០ និង ក្លឹប​ Liverpool ឈ្នះ Burnley ៣-០ ក្រៅ​ផ្ទះ​។​ សរុប​ជា​រួម​ក្លឹប​ទាំង​ពីរ​នៅ​តែ​ជា​គូរ​ប្រជែង​ដ៏​អស្ចារ្យ​នៅ EPL រដូវ​កាល​២០១៩-២០​នេះ​៕
ទស្សនាវីដេអូហាឡារបស់ក្លឹបទាំងពីរនៅខាងក្រោមនេះ
ក្លឹប Man City ឈ្នះ Brighton ៤-០

ក្លឹប​ Liverpool ឈ្នះ Burnley ៣-០ ក្រៅ​ផ្ទះ