កីឡាករ Messi នឹង​ចាកចេញ​ពី​ក្លឹប​ Barca ដោយ​គ្មាន​តម្លៃ​ខ្លួន

បរទេស៖ កំពូល​កីឡាករ​ខ្សែបម្រើ​ប្រយុទ្ធ Lion Messi អាច​នឹង​ចាកចេញ​ពី​ក្លឹប Barca ដោយ​គ្មាន​តម្លៃ​ខ្លួន​ ដោយសារ​តែ​ផុត​កុងត្រា​នៅ​ក្នុង​រដូវ​កាល​នេះ​។

បើ​យោង​តាម​រយៈ​សារ​ព័ត៌មាន​កីឡា El Pais របស់​អេស្ប៉ាញ​បាន​បញ្ជាក់​ថា៖ «វិរៈ​បុរស​ Nou Camp ​ត្រូវ​បាន​ក្លឹប​ Barca យល់​ព្រម​ឲ្យ​គាត់​ចាក​ចេញ​នៅ​បញ្ចប់​រដូវ​កាល​ នា​ខែ​មិថុនា​ ​»។

ខណៈ​ដែល Messi បាន​បន្ត​កុងត្រា​ ៨​ដង​ តាំង​ពី​ឆ្នាំ ២០០៥ ដល់​ឆ្នាំ​ ២០១៧ ជាមួយ​និង​ក្លឹប Barca ហើយ​បន្ថែម​កុងត្រា​បណ្ដោះ​អាសន្ន​៣រដូវ​កាល​ទៀត​ ពោល​ពីឆ្នាំ២០១៨ -២០២១ ក្នុង​កុងត្រា​នោះ​ក្លឹប Barca ​បាន​អនុញ្ញាត​អោយ​ Messi អាច​ចាកចេញ​គ្រប់​រដូវ​កាល​។

យ៉ាងណាមិញ​គេ​រំពឹង​ថា​ ម្ចាស់​ពាន​រង្វាន់​ Ballon d’or ៥សម័យកាល ​នឹង​មិន​លេង​នៅ​ក្លឹប​នៅ​តំបន់​អឺរ៉ុប​ឡើយ​។

ដោយ​កីឡាករ​វ័យ​ ៣២ឆ្នាំ​ រូបនេះ​នឹង​ផុត​កុងត្រា​នៅ​ឆ្នាំ​២០២១​ ខណៈ​ដែល Messi ធ្លាប់​បាន​បង្ហាញ​ចំណាប់​អារម្មណ៍​​ថា​នឹង​វិលត្រឡប់​ទៅ​កាន់​ក្លឹប​កំណើត​វិញ​ ជាមួយ​ក្លឹប​ចាស់​ Newell’s Old Boys នៅ​ប្រទេស​អាហ្សង់ទីន​៕