រយៈពេលមួយខែចុងក្រោយតម្លៃទូរស័ព្ទរបស់ក្រុមហ៊ុន Samsung ទាំងស៊េរី S និងស៊េរី Note បានបន្តធ្លាក់ថ្លៃយ៉ាងខ្លាំង សឹងមិនគួរឲ្យជឿ។ ថ្មីៗនេះ តម្លៃទូរស័ព្ទ Galaxy Note 8 នៅសហរដ្ឋអាមេរិកបានចុះពី ៧៥០ ដុល្លារ មកត្រឹម ៥៣៣ ដុល្លារសម្រាប់ទូរស័ព្ទប្រភេទ Unlock ប្រើស៊ីម ២ បំពាក់ដោយបន្ទះឈីប Exynos។
សម្រាប់តម្លៃនេះ ត្រូវបានគេហទំព័រ eBay ដាក់លក់ចំពោះម៉ូឌែល Samsung Galaxy Note 8 SM-N950F ទំហំ 64GB (FACTORY UNLOCKED) ពណ៌ខ្មៅ មាស ពណ៌ប្រផេះ និងពណ៌ផ្កាឈូក។
ជាមួយគ្នានេះ ដែល សម្រាប់ទីផ្សារខ្មែរ ក្រុមហ៊ុន Samsung និងហាងលក់ទូរស័ព្ទមួយចំនួនក៏ចាប់ផ្ដើមចេញនូវកម្មវិធីបញ្ចុះតម្លៃផ្សេងៗសម្រាប់ទូរស័ព្ទម៉ូឌែលនេះផងដែរ។ ដោយមានហាងលក់ទូរស័ព្ទចំនួន ២ បានបង្កើតកម្មវិធីលក់ពិសេស Galaxy Note 8 មានធានា ១ ឆ្នាំ ដាក់លក់ក្នុងតម្លៃ 919 ដុល្លារដដែល ប៉ុន្តែមានថែម Original JBL Boombox តម្លៃ 389$ មួយ ខណៈកម្មវិធីពីក្រុមហ៊ុន Samsung វិញប្រកាសចេញកម្មវិធីដែលរាល់ការជាវស្មាតហ្វូន Galaxy Note 8 មិនត្រឹមតែទទួលបានការបន្ថែមជូននូវឆ្នាំងសាកថ្មី Wireless Charger មួយនោះទេ គឺក្រុមហ៊ុនថែមទាំងមានការផ្តល់ជូននូវទឹកប្រាក់ត្រឡប់វិញចំនួន 100 ដុល្លាភ្លាមៗ ថែមទៀតផង។
សូមបញ្ជាក់ដែលថា ក្រុមហ៊ុន Samsung នឹងប្រកាសចេញស្មាតហ្វូន លំដាប់កំពូលចុងឆ្នាំ ២០១៨ ហៅថាព្រឹត្តិការណ៍ Samsung Galaxy Unpacked នៅក្នុងទីក្រុងញ៉ូវយ៉ក សហរដ្ឋអាមេរិច នៅថ្ងៃទី ០៩ ខែសីហា ឆ្នាំ ២០១៨ ដែលនឹងធ្វើការផ្សាយបន្ដផ្ទាល់ នៅលើគេហទំព័រ ផ្លូវការរបស់ Samsung ផងដែរ។ ការខិតខ្លួនទៅដល់ថ្ងៃកម្មវិធីនេះ ហើយអាចជាមូលហេតុនាំឲ្យ Note 8 ធ្លាក់ថ្លៃ៕
