តម្លៃ និងសមត្ថភាព ធ្វើឲ្យស្មាតហ្វូន 3 ម៉ូឌែលរបស់ Nokia ទទួលបានការគាំទ្រច្រើនពីអ្នកប្រើប្រាស់កម្ពុជា

ភ្នំពេញ៖  តម្លៃសមរម្យ និងមានសមត្ថភាពដំណើរការល្អ បានធ្វើឲ្យស្មាតហ្វូនរបស់ក្រុមហ៊ុន Nokia ចំនួន 3 ម៉ូឌែល ទូរស័ព្ទ Nokia 2.2, Nokia 3.2 និង Nokia 4.2 ក្លាយជាទីចាប់អារម្មណ៍ថ្មី​សម្រាប់​អ្នកប្រើប្រាស់​កម្ពុជា។

ទូរស័ព្ទ Nokia 2.2 មានអេក្រង់​ទំហំ 5.71 អ៊ី​ញ HD+ (720×1520) បែប​ដំណក់​ទឹក និង​មាន​កាមេរ៉ា​មុខ 5MP ប្រើរួមគ្នា ដើម្បីថតរូប និងជាសោដោះចូលទៅប្រើប្រាស់ទូរស័ព្ទ​តាម​រយៈ​មុខ​ងារ Face Unlock ហើយកាមេរ៉ា​ក្រោយ​​​ទំហំ 13 PM មានសមត្ថភាពថតរូបភាពល្អ ទោះលក្ខខណ្ឌ​ពន្លឺ​ទាប​ជាមួយ​នឹងបច្ចេកវិទ្យា Low-Light Imaging ដែលអ្នកអាចថតរូបទេសភាពបានស្អាតពេល​ល្ងាច។

ត្បិតតែទូរស័ព្ទនេះ មានតម្លៃ 127 ដុល្លារ ប៉ុន្តែវាមានដំណើរល្អគួរសម ជាមួយនឹងបន្ទះ​ឈី​ប MediaTek Helio A22 SoC (Quad-Core) លើ Ram 3GB ​ទំហំ​ផ្ទុក 32GB និងថាមពលថ្ម Li-Ion 3000 mAh  ហើយដំណើរការដោយប្រព័ន្ធ Android 9 Pie ពីក្នុងប្រអប់ ដែលគ្រប់កម្មវិធី និង ហ្គេម​ថ្មីៗ​ជា​ច្រើន​អាចដំឡើង និងប្រើលើទូរស័ព្ទនេះ​ដោយ​បញ្ហា​អ្វី​ទាំង​អស់។

ចំពោះ​ស្មាតហ្វូន​តម្លៃ 145 ដុល្លារ ទូរស័ព្ទ Nokia 3.2 វិញ អាចនិយាយបានថា​ជា​សិស្ស​ច្បង​របស់ Nokia 2.2 ដែលវាខ្លាំងទាំងកាមេរ៉ា និងសមត្ថភាពដំណើរការ។ ស្មាតហ្វូននេះ​មាន​កាមេរ៉ា​ក្រោយ​ទំហំ 13 MP និងមុខទំហំ 5MP ដោយប្រើអេក្រង់ 6.26 អ៊ីញ a-Si TFT LCD បែប​តំណក់​ទឹក​ដូចគ្នា ជាមួយកម្លាំងម៉ាស៊ីន​បន្ទះ​ឈី​ប Snapdragon 429 មាន​រ៉េ​ម 3GB ទំហំផ្ទុក 32GB។

Nokia 3.2 មានថាមពល​ថ្ម 4,000mAh និង​មានភ្ជាប់​ជាមួយនឹង​ប៊ូ​តុង​សម្រាប់ Google Assistant ហើយ​ក្រុមហ៊ុន​បច្ចេកវិទ្យា Nokia ពេលនេះ​គ៏​មានភ្ជាប់​ជាមួយនឹង​ភ្លើង LED notification light នៅលើ​ប៊ូ​តុង Power ផងដែរ។

ចុងក្រោយគេ គឺ Nokia 4.2 បងធំ តម្លៃ 155 ដុល្លារ ជាមួយ​នឹង​កញ្ចប់​ម៉ាស៊ីនខ្លាំងគួរសម យើង​អាច​ដំឡើង​កម្មវិធី និងលេងហ្គេម​ល្បីៗ​ជា​ច្រើន​ដោយគ្មានបញ្ហា។​ Nokia 4.2 រចនាឡើងមាន​តួខ្លួន​ត្រូវ​បាន​បំពាក់​មក​ជាមួយកញ្ចក់ទាំងមុខ និងផ្នែកខាងក្រោយ លើ​អេក្រង់​ទំហំ 5.71 អ៊ីញបែបដំណក់ទឹក និងគាំទ្រការដំណើរការដោយបន្ទះឈីប Snapdragon 439 ប្រភេទ Octa-core A53 មាន​ក្រាហ្វិក​កាត Adreno 505 GPU មាន Ram ទំហំ 3GB ជាមួយ​នឹង​ម៉េមូរីទំហំ 32GB។

កាមេរ៉ា Nokia 4.2 ប្រើកាមេរ៉ាភ្លោះទំហំ 13MP f/2.2 + 2MP Depth Sensor  ភ្ជាប់​ នឹងមុខងារ Phase-Detect Autofocus និងភ្លើង LED flash ហើយមានមុខងារ Night Mode  អាច​ជួយ​ឲ្យ​ការ​ថត​រូបភាព​នៅ​ទី​ងងឹតកាន់តែប្រសើរ។ ចំពោះកាមេរ៉ាមុខវិញ វាមានទំហំ 8MP បច្ចេកវិទ្យា AI អាច​ប្រើ​សម្រាប់ថតរូប Selfie បាន​ច្បាស់ល្អ និងប្រើជាមុខងារដោះសោ (Face Unlock) បន្ថែម​ពី​លើ​មុខ​ងារស្កេនក្រយ៉ៅដៃនៅ​ផ្នែក​ខាងបានផងដែរ។

ប្រិយមិត្តទាំងអស់ដែលចង់បានទូរស័ព្ទទាំង 3 ខាងលើ អាចរកជាវបាននៅគ្រប់ហាងលក់​ទូរស័ព្ទ​ទាំងអស់​ទូទាំងប្រទេសកម្ពុជា ជាមួយនឹងការថែមជូនកាដូរអាវភ្លៀង និងកង្ហា​ដ៏ស្រស់​ស្អាត​មួយ​ភ្លាម​ ។ សម្រាប់ព័ត៌មានបន្ថែមសូមទាក់​ទង​បាន​តាម​រយៈ​លេខទូរស័ព្ទ 012879 707៕