Galaxy Tab S6 ថេប្លែតដំបូងរបស់ Samsung ដែលបំពាក់កាមេរ៉ាភ្លោះដំបូងគេ

តាមព័ត៌មានកន្លងមកបង្ហាញថា Samsung នឹងដាក់ចេញ Tab S6 តំណាលគ្នាជាមួយទូរស័ព្ទ Galaxy Note 10 ប៉ុន្តែក្រុមហ៊ុនបានចេញវាមកមុនហើយ ជាមួយនឹងសមត្ថភាពឡើងកប់តែម្ដង។

Tab S6 ​ជាថេ​ប្លេ​ត​​ប្រើប្រាស់​ឈី​ប Snapdragon 855 ជាមួយនឹង រ៉េ​ម​ជម្រើស 6GB / 8GB ព្រមទាំង​ប្រើប្រាស់​អេក្រង់ Super AMOLED ទំហំ 10.5 អ៊ី​ញ (2560 x 1600px) ដែល​ធំ​ទូលាយ ស៊ី​ជាមួយនឹង​ប៊ិច S Pen ដែល​ក្រុមហ៊ុន​បាន​កែប្រែឲ្យ​កាន់​តែមាន​ភាពងាយស្រួល​បន្ថែមទៀត នៅក្នុង​ការប្រើប្រាស់។

វាមានរន្ធ​បំពងសំឡេង​មាន​ចំនួន 4 គ្រាប់​តម្លើង​ដោយ AKG និង​ទ្រទ្រង់​ជាមួយនឹង Dolby Atmos ដែល​ផ្តល់​បទពិសោធន៍​នៃ​ការ​ស្តាប់​លក្ខណៈ 3D។ កាមេរ៉ា​ខាងក្រោយ របស់​វា ឡើងដល់​ទៅ 2 គ្រាប់ ដោយ​គ្រាប់​ទីមួយ មាន​ទំហំ 13MP ដូចនឹង​គ្រាប់​ទី​ពីរ​ដែរ គ្រាន់តែ មុខងារ​របស់​គ្រាប់​ទី​ពីរ សម្រាប់​ផ្តិត​ក្នុង​កម្រិត​មុំ ultra-wide 123 ដឺ​ក្រេ ដែល​ធ្វើអោយ​នេះ គឺជា​ថេ​ប្លេ​ត​ដំបូង​គេ​របស់ Samsung ហើយ ដែល​បំពាក់ Len Ultra-wide។ ចំណែកឯ កាមេរ៉ា​ខាងមុខ​វិញ​មាន​ទំហំ 8MP។

ទៅលើ​ថាមពល​ថ្ម វា​បង្កប់​ទំហំ 7040mAh ខណៈដែល​ប៊ិច S Pen ផ្ទុក​បាន​ទំហំ 0.35mAh តែប៉ុណ្ណោះ តែ​អាច​កំដរ​យើង​ចុច​បាន​ដល់​ទៅ 10 ម៉ោង​បាន ក្នុងការ​សាក​ថ្ម​មួយ​ពេញ​ម្តង​តាម​រន្ធ​ប៊ិច ដោយ​ចំណាយពេល​តែ 10 នាទី​ទេ។ បន្ថែម​អំពី​ប៊ិច​នេះ គឺ​វា​មាន​លក្ខណៈ​មិន​ខុសពី​ប៊ិច​របស់ Note 9 ឡើយ កាលនោះ​វា​អាច​បញ្ជា​បទ​ចម្រៀង និង​ចាក់​វីដេអូ​បាន ហើយក៏​អាចយ​កប​ញ្ជា​ថតរូប បាន​ថែមទៀត​ផងដែរ។

ចំពោះតម្លៃ Samsung បានប្រកាស​ថា តម្លៃ​របស់​វា​នឹង​ចាប់ផ្តើម​ឡើង​ពី $649 សម្រាប់ RAM 6GB + 128GB និង $729 សម្រាប់​ម៉ូ​ឌែ​ល RAM 8GB + 256GB សម្រាប់ទីផ្សារស្រុកក្រៅ អម​ជាមួយនឹង​ពណ៌​ចំនួន 3 ដូចជា Mountain Gray, Cloud Blue និង Rose Blush៕