Galaxy Note 10 ចេញដើរតាមផ្លូវមុនថ្ងៃប្រកាស

គិតត្រឹមថ្ងៃនេះ គឺសល់ពេល 5 ថ្ងៃទៀតបានដល់ព្រឹត្តិការណ៍បង្ហាញខ្លួន Galaxy Note 10 Series ប៉ុន្តែមិនម្សិលមិញនេះ គេប្រះឃើញស្មាតហ្វូនជំនាន់ចុងក្រោយនេះ ដើរលេងតាមផ្លូវលើដៃនារី​ម្នាក់​យ៉ាង​សង្ហាទៅវិញ។

សម្រាប់នារី​ដែល​បាន​កាន់​ស្មា​ត​ហ្វូ​ន​នេះ ប្រហែល​អាចជា​បុគ្គលិក​ម្នាក់ ដែល​ធ្វើការ​នៅក្នុង ក្រុមហ៊ុន​យក្ស​ខាងលើ អញ្ចឹង​ហើយ វា​មិនមាន​អ្វី​ប្លែក​នោះទេ ដែល Samsung ប្រគល់​ផលិតផល​របស់ខ្លួន ឲ្យ​ទៅ​បុគ្គលិក​ដើម្បី ប្រើប្រាស់​សាកល្បង។

ទន្ទឹមនឹងនេះប្រហែលជា Samsung ចង់បង្ហាញ​ដល់​អ្នកគាំទ្រ ក៏ដូចជា​បង្ហាញ ដល់​មនុស្ស​គ្រប់គ្នា​ថា ថ្ងៃ​ដែល Galaxy Note 10 ចេញ​ផ្លូវការ កាន់តែ​ខិតជិត​មកដល់ ព្រមទាំង​ចង់​ឲ្យ​អ្នក ដែល​ចាប់អារម្មណ៍​ទាំងអស់ ត្រៀមខ្លួន​ទទួលយក​វា។ ដូច្នេះ​សូមត្រៀម នៅ​ថ្ងៃទី 7 ខែសីហា ឆ្នាំ 2019៕