គិតមកដល់ពេលនេះមានរយៈប្រហែលមួយសប្ដាហ៍ហើយ ដែលក្រុមហ៊ុន Samsung បានបញ្ចេញវីដេអូស្ព័តចំនួន ៤ ផ្សេងគ្នាឌឺដងដល់ទូរស័ព្ទ iPhone របស់ Apple ហើយលើកសរសើរពី Galaxy S9/S9+ ហើយថ្ងៃនេះApple ក៏បានបញ្ចេញវីដេអូស្ព័តមួយវិញដែរ ប៉ុន្តែមិនមែនជាការវាយបកលើ Samsung នោះទេ។
វីដេអូថ្មីរបស់ Apple គឺមានបង្អួតពីសមត្ថភាពបន្ទះឈីប A11 Bionic ដែលបំពាក់លើ iPhone ជំនាន់ចុងក្រោយ។ ជាមួយបន្ទះឈីបនេះអ្នកប្រើប្រាស់អាចទទួលបានបទពិសោធន៍ប្រើប្រាស់ដែលគ្មានភាពរអាក់រអួល ជាពិសេសពេលលេងហ្គេមទៅវិញ។
ការមិនអើពើរនេះ ត្រូវបានគេមើលឃើញថា វារឹតកាន់តែធ្វើឲ្យ Samsung ឈឺមួយកម្រិតទៀត ខណៈខំបញ្ចេញវីដេអូឌឺគេប៉ុណ្ណឹងហើយ បើគ្មានអ្វីឈឺបន្តិចបែបនេះ៕
