ក្រៅពីទូរស័ព្ទ Galaxy Note 9 ក្រុមហ៊ុន Samsung ក៏មាន Tablet ជំនាន់ថ្មីមួយម៉ូឌែលទៀតផងដែរ គ្រោងបង្ហាញខ្លួនរួមគ្នា ដែលវាត្រូវបានគេបង្ហើបថាជា Galaxy Tab S4 រាងថ្មី សមត្ថភាពថ្មី។
ថេប្លេត Tab S4 និងស្មាតហ្វូន Note9 សុទ្ធតែអាចប្រើប្រាស់ជាមួយនឹងប៊ិក S Pen ដែលផ្តោតទៅលើផលិតកម្មបានច្រើន ដូចនេះការប្រកាសបង្ហាញនូវឧបករណ៍បច្ចេកវិទ្យាទាំងពីរនេះក្នុងពេលជាមួយគ្នានោះគឺជាអ្វីដែលក្រុមហ៊ុន Samsung ចង់ធ្វើ។ តាមការបញ្ជាក់ពីប្រភពព័ត៌មាន ថេប្លេត Galaxy Tab S4 នឹងភ្ជាប់ទៅកាន់ម៉ូនីទ័រតាមរយៈរន្ធ USB-C port សម្រាប់បទពិសោធន៍នៃការប្រើប្រាស់ DeX។ យ៉ាងណាមិញ យើងមិនទាន់មានដំណឹងអ្វីផ្សេង រួមនឹងលក្ខណៈសម្បត្តិនៃថេប្លេតនេះនៅឡើយទេ៕
