ហ្គេមប្រណាំងឡានថ្មីស៊េរី Asphalt ថ្មីៗនេះត្រូវបានដាក់ឱ្យលេងបាន ក្រោមឈ្មោះ Asphalt 9 : Legends ហើយវានឹងអាចលេងបាននៅលើ iOS platform របស់ Apple, Android platform របស់ Google និង Windows platform របស់ Microsoft ផងដែរ។ Gameloft បានបន្ថែមរថយន្តល្បឿនលឿនប្រភេទ super car ប៉ុន្មានម៉ូដែលរួមមាន McLaren P1m, Bugatt Chiron និងជាច្រើនទៀត។
ហ្គេមប្រណាំងឡានថ្មីនេះ ត្រូវបានបញ្ចូលនូវមុខងារពិសេសដល់ super cars រឹតតែផ្ដល់បទពិសោធន៍បំផុតសម្រាប់ការប្រណាំងល្បឿនដូចផ្លេកបន្ទោរ។ ជាមួយហ្គេម Asphalt ចេញថ្មីនេះ នឹងអាចឱ្យអ្នក លេងបានយ៉ាងជក់ចិត្ត ល្បឿនកាន់តែលឿនកប់ ទាំងនៅលើជម្រើសប្រណាំង Road Solo ឬការប្រកួត Asphalt community ដោយអ្នកលេងអាចមានច្រើន multifplayer mode ដល់ ៨នាក់ក្នុងមួយប្រកួតៗ។
Asphalt 9: Legends ថែមទាំងបានបញ្ចូលបទពិសោធន៍ multiplayter ថ្មីជាមួយ Clubs, មុខងារ social feature អាចឱ្យអ្នកលេង ចាប់ក្រុម ដើម្បីសហការគ្នាប្រកួតយកពាន។ អ្នកអាចស្វែងយល់មុខងារលំអិតបន្ថែមពីហ្គេមប្រណាំងឡាន Asphalt 9 : Legends ដោយចូលទៅឆែលមើលការណែនាំពី app ផ្ទាល់នៅលើទាំងនៅលើ App Store, Play Store និង Windows Store។ Asphalt 9 : Legends ពេលនេះមានឱ្យទាញយកដោយឥតគិតថ្លៃ ហើយអ្នកលេងក៏អាចទិញ feature ដើម្បីបង្កើនលក្ខណៈពិសេសរបស់ឡានប្រណាំងសំណព្វចិត្តរបស់ខ្លួនបានផងដែរ។
បើគិតមកត្រឹមថ្ងៃនេះ គឺទើបបាន 1 សប្តាហ៍ប៉ុណ្ណោះ ដែលហ្គេម Asphalt 9 ត្រូវបានដាក់អោយទាញយក នៅលើ App Store និង Play Store ចំនួនអ្នកទាញយកមកលេងលើស្មាតហ្វូន កើនរហូតដល់ទៅជាង 4 លាននាក់ឯណោះ (បើធៀបជាមួយ Asphalt 8 ក្នុងរយៈពេល 1 សប្តាហ៍ដូចគ្នា)៕
