ថ្មីៗនេះ ក្រុមហ៊ុន Motorola បានបង្ហាញចេញនូវស្មាតហ្វូនស៊េរីថ្មីឆ្នាំ 2018 របស់ខ្លួនគឺម៉ូដែល Moto Z3 ដែលមានសមត្ថភាពប្រើប្រាស់ខ្លាំង ជាពិសេសអាចប្រើបានជាមួយនឹងប្រព័ន្ធ 5G ដ៏លឿន។ Moto Z3 ស្រដៀងគ្នាទៅនឹងស្មាតហ្វូន Moto Z3 Play ខុសត្រង់តែក្រុមហ៊ុនដាក់ឲ្យប្រើប្រាស់នូវបន្ទះឈីបដ៏ខ្លាំងក្លា និងប្រព័ន្ធកាមេរ៉ាផ្សេងប៉ុណ្ណោះ។
ស្មាតហ្វូននេះប្រើប្រាស់នូវប្រព័ន្ធកាមេរ៉ាភ្លោះនៅខាងក្រោយដែលមានប្រើប្រាស់នូវសេនស័រ 12MP RGB sensor ជាមួយនឹងមុខងារ 1.25um pixels និង F2.0 aperture ជាមួយនឹងបន្ទះឈីប 12MP monochrome chip ដែលកាត់បន្ថយទៅលើសំលេងរំខាន និងមានការប្រើប្រាស់នូវភ្លើង LED Flash ភ្លោះទៀតផង។ អ្វីដែលពិសេសនោះ គឺថា ស្មាតហ្វូននេះភ្ជាប់ជាមួយប្រព័ន្ធកាមេរ៉ាដែលអាច zoom បាន 10x រួមនឹងកាមេរ៉ាខាងមុខមានទំហំ 8 MP និង F2.0 aperture ថែមទៀតផង។
Moto Z3 ដំណើរការដោយប្រព័ន្ធប្រតិបត្តិការ Android OS គឺប្រើប្រាស់ជាមួយនឹងបន្ទះឈីប Snapdragon 835 និងមានថាមពលថ្ម 3,000 mAh និងអេក្រង់ទំហំ 6-inch Super AMOLED ជាមួយនឹងកម្រិតភាពច្បាស់ 1080×2160 ភិចសែល និងកម្រិត 18:9 aspect ratio ផងដែរ។ Moto Z3 គឺដាក់លក់ផ្តាច់មុខនៅក្រុមហ៊ុន Verizon ដែលអាចទ្រទ្រង់នូវប្រព័ន្ធ 5G network ដែលគេដឹងថា នឹងមានដំណើរការនៅឆ្នាំក្រោយនេះ លោកអ្នកអាចធ្វើការទិញនូវ Moto Mod ថ្មីនេះ ដែលភ្ជាប់ជាមួយនឹង 5G module ជាមួយនឹង Qualcomm’s X50 modem ជាមួយនឹងថាមពលថ្ម 2,000 mAh ដែលអនុញ្ញាតឱ្យលោកអ្នកផ្ញើ និងទទួលនូវទិន្នន័យតាមប្រព័ន្ធ 5G ផងដែរ។ សម្រាប់តម្លៃរបស់ស្មាតហ្វូននេះប្រហែលជា $480 នៅទីផ្សារស្រុកក្រៅ៕
